As actividades interactivas de eXeLearning son moi variadas e ofrecen múltiples posibilidades para interactuar co material que estamos construíndo: espertar o interese inicial, xerar preguntas, repasar conceptos, establecer ideas clave e un longo etcétera. Case todas estas actividades funcionan como actividades de autoavaliación .
Hai que ter presente que das actividades interactivas que se presentan neste apartado, as únicas que gardan as cualificacións do alumnado se se cargan a unha plataforma LMS como Moodle son: Actividade GeoGebra, Test SCORM e Vídeo interactivo.
Para acceder ás actividades interactivas só temos que amosar a pestana que as oculta na sección de iDevices, na parte inferior esquerda.
Vexamos algúns exemplos.
.png){kind=icon}
Para máis información recomendamos a consulta do Manual de eXeLearning, no apartado "Actividades interactivas".
SCORM (Sharable Content Object Reference Model) é un estándar que permite que un recurso educativo comunique datos cunha plataforma de aprendizaxe (LMS), como Moodle. En eXeLearning, cando exportas un proxecto como paquete SCORM, créase un paquete que pode enviar información ao LMS sobre o progreso e o resultado do alumnado.
eXeLearning non xestiona SCORM a nivel de actividade, senón a nivel de páxina: progreso e puntuación SCORM gárdanse por páxina, non por cada actividade que se poña nela.
Polo tanto, se metemos varias actividades nunha páxina, o resultado SCORM:
- Pode sumar mal as puntuacións
- Ou só gardar o resultado da última actividade feita na páxina, dependendo do LMS (Moodle).
Para garantir un seguimento correcto en SCORM:
- Crea unha páxina por actividade avaliable.
- Moodle rexistrará correctamente o progreso e a nota de cada unha.
Se metemos nunha mesma páxina varias actividades avaliables, só debemos activar o gardado de puntuación naquela que interese como instrumento de avaliacón. Nas restantes, cómpre marcar a opción "Non gardar a puntuación". Só se gardará a puntuación da actividade que teña activada a opción de gardar.
Se o obxectivo non é avaliar (senón ofrecer práctica interactiva), podemos xuntar varias actividades na mesma páxina sen problema.
