Saltar navegación

iDevice Contido DUA

O iDevice "Contido DUA" permítenos introducir un contido seguindo os principios do Deseño Universal para a Aprendizaxe (DUA). Ao seleccionar o iDevice "Contido DUA" da listaxe de iDevices mostrarásenos o seguinte en noso eXeLearning:

DUA

Como no iDevice Texto, opcionalmente podemos engadir:

  • Un título
  • Unha icona a elixir entre as dispoñibles para o estilo seleccionado (lembramos que o estilo DUA é o que máis iconas ofrece para este contexto, e ten iconas específicas con cores asociadas ao tipo de contido DUA que queiramos introducir)
  • Un apartado de retroalimentación que se despregará ao facer clic no botón (o texto do botón tamén é modificable)

Para incluír o contido neste iDevice, ademais, temos moitas máis posibilidades:

  • En primeiro lugar, elixiremos o tipo de contido que imos inserir de acordo á clasificación que realiza o DUA: Implicación, Comprensión ou Expresión. Nalgúns estilos (como cREAgal) diferenciaranse uns contidos doutros pola cor asociada.

tipos dua

  • Á hora de incorporar o contido, podemos engadir tantos bloques como desexemos. Por defecto aparece só un, pero podemos engadir máis facendo clic na icona más.

  • En cada bloque de contido ofrécense distintas posibilidades:
    • Debemos decidir si queremos que o contido que introduzamos apareza directamente (nese caso deixaremos baleiro o campo "Texto do botón") ou se polo contrario queremos que o contido apareza ao facer clic nun botón. Neste caso, teremos que indicar o texto do botón e, se queremos, asociar o botón a un dos personaxes dispoñibles.

      botón

    • Na caixa de contido preséntanse 4 lapelas nas que podemos engadir o mesmo contido en formatos diferentes para facilitar a súa comprensión por parte de todas as persoas usuarias:
      • Contido principal, onde incluiremos o noso contido (obrigatorio).
      • Lectura facilitada
      • Audio
      • Apoio visual

No seguinte PDF explícanse en profundidade todas as posibilidades do iDevice DUA no contexto do proxecto cREAgal:

iDevice DUA no proxecto cREAgal

A cuadrilla cREAgal

Imaxe que amosa ao personaxe Arela Imaxe que amosa ao personaxe Bado Imaxe que amosa ao personaxe Cheda Imaxe que amosa ao personaxe Luzada

Descúbrea

Arela

Imaxe que amosa ao personaxe Arela

  • Arela significa desexo intenso ou aspiración fonda por algo. É un termo poético e moi expresivo que adoita empregarse para transmitir unha vontade ou anhelo profundo, tanto no plano emocional como espiritual.
  • Misión: desenvolver a capacidade de afrontar retos complexos, aprender a relaxarse en situacións de nerviosismo e crer nas propias habilidades para acadar o que un se propoña.

Bado

Imaxe que amosa ao personaxe Bado

  • Bado alude ao interese e dedicación que alguén amosa cara a unha actividade, proxecto ou tarefa, poñendo a súa atención e esforzo co obxectivo de lograr un bo resultado.
  • Misión: despertar o interese, activar as ideas previas e conectalas coas novas que aprendas.

Cheda

Imaxe que amosa ao personaxe Cheda

  • Cheda, en sentido figurado, enténdese como "axuda". Neste contexto, utilízase en expresións como "dar cheda", que significa "prestar axuda" ou "colaborar", por exemplo: Varios veciños foron darlles cheda para carrexar a pedra da casa.
  • Misión: axudar a pensar como estamos aprendendo, ensinar a facelo aínda mellor, recoñecer cando precisamos axuda e ter éxito na tarefa.

Luzada

Imaxe que amosa ao personaxe Luzada

  • Luzada, a luz que desprende un corpo; neste contexto figurado, pode ser usada para describir un escintileo de inspiración ou unha idea repentina.
  • Misión: facilitar a comprensión do que cómpre facer, que pasos seguir, canto tempo ou esforzo pode supoñer, como nos podemos organizar e ofrecer axudas para facer todo isto.

Onde se presentan os personaxes

Os procesos de activación de coñecementos previos apóianse na evocación colectiva para reconstruír estes coñecementos, apoiando deste xeito a aquelas persoas que teñan dificultades para activalos ou que presenten lagoas informativas. O personaxe Bado, toma un papel activo para outorgar recursos que conecten cos intereses e coñecementos previos do alumnado, presentándoos de maneira opcional para aqueles discentes que requiran máis apoio.

O apoio á posta en práctica de habilidades derivadas das funcións executivas, como a planificación, o control do tempo, a inhibición, a capacidade de adaptación ou o monitoreo, desenvolvéronse baixo as orientacións do personaxe Cheda. Estas axudas opcionais guiarán ao alumnado nos procesos de internalización da súa aprendizaxe e o establecemento das súas propias estratexias de planificación, xestión e habilidades para aprender.

A retroalimentación positiva e dirixida cara á consecución da tarefa con éxito é suxerida durante o desenvolvemento das fases deste REA por personaxes como Luzada. Con todo, este aspecto debe verse reforzado de maneira activa por cada docente na aula, ofrecendo ao alumnado unha guía que lles axude a modelar o seu propio establecemento de metas, monitorear as súas producións e auto-reflexionar sobre o establecemento adecuado dos seus obxectivos de aprendizaxe.

E, por último, a xestión emocional derivada das esixencias da tarefa serán apoiadas e acompañadas por Arela.

Os personaxes Arela, Bado, Luzada e Cheda, con todo, sempre serán inseridos a través do seu botón correspondente e non poderán flotar no texto debido a que se consideran axudas opcionais a elixir por parte do alumnado.

Como crea o botón personaxe
Os personajes din...

Exemplo de Contido DUA con apoios ao contido principal

7 RAZÓNS PARA USAR SOFTWARE LIBRE NOS CENTROS EDUCATIVOS (baseado nun texto de Richard Stallman)

  • PROMOVE A COOPERACIÓN. Liberdade para compartir ferramentas e desenvolvementos entre centros e docentes.
  • FOMENTA A AUTONOMÍA. Liberdade para xestionar os equipos informáticos de centros, docentes e estudantes.
  • AFORRA CUSTOS. Liberdade para copiar e distribuír o software.
  • ANIMA A APRENDER. Liberdade para ler e comprender o código fonte dos programas.
  • POTENCIA A CREATIVIDADE E IMAXINACIÓN. Liberdade para crear e distribuír de forma continua programas e desenvolvementos.
  • PREPARA PARA A SOCIEDADE DIXITAL. Liberdade para escoller e deseñar ferramentas, software e equipos.
  • EDUCA CIDADÁNS INDEPENDENTES E SOLIDARIOS. Liberdade para compartir coñecementos tecnolóxicos.

Apoio visual

Infografía 7 razóns para usar software libre nos centros educativos

Feito con eXeLearning (Nova xanela)