A ferramenta de software libre eXeLearning permítenos crear contidos cun acabado de calidade. Neste sentido, os efectos Fx son un dos elementos máis interesantes cos que podemos enriquecer o noso material.
Existen 5 tipos de efectos Fx: acordeón, lapelas, paxinación, carrusel e liña de tempo. A construción ou PASOS para inserir os efectos é sempre a mesma, escollendo no inicio o tipo de efecto desexado:
1. Prememos no botón Fx do editor.
2. Na xanela que se amosa, seleccionaremos a opción que nos interese, por exemplo, Paxinación e dámoslle a Aceptar. A mesma xanela iranos ensinando o aspecto final de efecto escollido.
3. A continuación aparecerá un recadro con dous encabezamentos (que poderemos editar para pór o título que desexemos) e dous espazos para escribir contido a amosar ou colapsar. Poderemos editalo e incorporar calquera tipo de recurso multimedia. Na esquina superior dereita indicaranos sempre o tipo de efecto que escollemos.
4. Para continuar engadindo elementos no recadro, só debemos escribir e editar a parte do texto que será o título con formato "Encabezamento 2". O resto de texto continuará en formato de texto.
Se unha vez creado un efecto, este non nos satisfai, podémolo cambiar se prememos de novo o efecto e seleccionamos outra opción, sen necesidade de volver editar o contido.
.png "Información"){kind=icon}
Para saber máis podemos consultar o vídeo
permítenos crear varios efectos nos nosos contidos.
