Á hora de crear recursos dixitais é sumamente importante optimizar as imaxes que incluímos para non sobrecargar o peso do arquivo innecesariamente. Ao inserir unha imaxe, temos a posibilidade de optimizala, reducindo así o seu peso.
Para utilizar esta funcionalidade debemos seguir os seguintes pasos:
- Marcar a opción "Optimizar imaxe" antes de seleccionar a imaxe no noso equipo.
- Facer clic na icona de procura
- Seleccionar a imaxe entre os arquivos do equipo.
- Definir o tamaño máximo que pode alcanzar calquera das dimensións. No caso de imaxes con extensión .jpg tamén se poderá seleccionar a calidade.
- Unha vez optimizada (pódese ver a diferenza de peso na parte inferior) faremos clic en Finalizar.
- Se necesitamos editar de novo a imaxe, teremos que gardar antes o iDevice.