Menú principal

No menú principal de eXe atoparémonos unha serie de opcións, necesarias para realizar tarefas como abrir, gardar, imprimir, exportar, crear, importar, seleccionar estilos... e tamén as opcións "Modo avanzado" e "Visualización previa".

Ao marcar a casilla de "Modo avanzado", mostraranse máis opcións nos menús Arquivo e Utilidades, opcións avanzadas de catalogación da pestana Propiedades e opcións de agrupamento e selección de iDevices a mostrar.

Para a realización deste manual marcamos o "Modo avanzado" por defecto.

Ao facer clic sobre o botón "Visualización previa" obteremos unha visualización temporal do noso contido coma se realizásemos un exportado "Sitio web". Cada vez que fagamos modificacións nos nosos contidos co editor de eXeLearning, utilizaremos de novo o botón para observar os cambios. No menú "Axuda" atoparémonos titoriais e manuais de eXe, notas da versión que temos instalada e ligazóns ao sitio web e os foros de eXeLearning.net onde poderemos realizar preguntas, notificar erros e pedir novas funcionalidades.

Diferenzas no Modo Avanzado

Aquí podedes ver as principais diferenzas entre o modo normal e o modo avanzado

Menú Ficheiro

As opcións do menú Ficheiro son moi similares nos dous modos. No modo avanzado aparece a opción extra de importar contidos en diferentes formatos

menú ficheiro

Menú Ferramentas

No modo avanzado no menú de ferramentas aparecen dúas opcións extra: Editor de iDevices e informe de recursos

Ferramentas

Menú Estilos

Cando seleccionamos o menú estilos en modo avanzado, ademais de poder acceder aos estilos precargados de eXelearning, poderemos acceder a un editor de estilos onde poderemos crear os nosos propios estilos

estilos

Menú Axuda

No menú de axuda si que aumentan moito as opcións en modo avanzado, non só ten un asistente, senón que ademais ten moita documentación que nos pode ser útil.

axuda

Opción propiedades

Na opción Propiedades podemos acceder a toda a información do noso paquete epl (o formato co que se grava o noso libro eXe), en modo avanzado poderemos editar todas os metadatos LOM ( Learning Object Metadata) que serven para a catalogación de recursos en buscadores.

Propiedades