Saltar navegación

Estilos

No apartado "Estilos" do menú principal de  eXeLearning poderemos modificar o aspecto visual que terán os nosos contidos. Para iso despregaremos o menú "Estilos" e marcaremos a casa do estilo que queiramos utilizar de entre todos aqueles que teñamos dispoñibles.
Teremos que ter en conta que, dependendo das opcións de exportación que escollamos, o aspecto variará respecto a a  previsualización en  eXe. Coa opción Utilidades > Visualización previa  ou facendo  clic no botón  botón visualización verás o seu aspecto como HTML.

Todas as exportacións realizadas cos estilos incluídos na ferramenta teñen responsive design, adaptándose así ao tipo e tamaño do dispositivo no que se visualicen.

Gestor de estilos

No xestor de estilos poderemos acceder ao banco de estilos, importar un estilo que teñamos no noso  PC e crear un novo estilo coa ferramenta de deseño de estilos.
Gestor de estilos
 
 Ademais, poderemos comprobar aqueles estilos que temos implementados no noso  eXeLearning, podendo exportalos. Exportar estilo
 
Os estilos Base,  Docs e os seus derivados, terán activado o editor Editor estilos para modificalos ao noso gusto.
   

Banco de estilos

Ao facer  clic no Banco de estilos, mostrarásenos unha listaxe dos estilos dispoñibles. Só temos que seleccionar un e importalo. Mostrarase o nome dos autores, a licenza, se é de ancho fixo, as cores predominantes e unha ligazón á descrición completa na web. Se queremos instalalo ou actualizar o estilo que xa temos, faremos  clic no botón "Importar estilo".
Listado estilos
 

Importar estilos

Podemos importar un estilo xa creado en arquivo .zip.
   

Crear estilo novo

Crear un estilo en  eXeLearning, personalizado, con diferentes cores, imaxes de fondo e cabeceira... Usando a opción Crear estilo novo poderás facelo facilmente.
  CeDeC. Creador de estilos de  eXeLearning  (CC  BY)
Unha vez feito, dáslle un nome e atoparalo no menú estilos de  eXeLearning. Se usas a opción Crear estilo novo, estarás a crear un estilo partindo de "Base". Se queres partir doutro estilo non tes máis que editalo, facer os cambios que queiras e gardalo con outro nome. Non poderás facelo con todos os estilos; unicamente con aqueles que sexan  editables.