Coas ferramentas que atopamos no bloque "Estrutura", poderemos crear a nosa árbore de contidos. Se temos uns contidos extensos; estruturarémolos en Temas, Seccións e Unidades para que sexan máis comprensibles e accesibles aos nosos lectores.
Ao comezo de todo proxecto de eXeLearning atoparémonos co nodo ou páxina denominado "Inicio", nodo do que colgarán todos os nosos contidos. A este nodo denominarémolo " nodo pai".
Minimizar o panel lateral.
Facendo clic sobre o icona 
(arriba á dereita) poderás ocultar o panel lateral esquerdo. Desta forma poderemos dispoñer de máis espazo na pantalla para editar e crear os nosos contidos.
Engadir páxina / Borrar / Renombrar.
Para engadir novos nodos ou páxinas, seleccionaremos o nodo do que queremos que colguen (pai) as novas páxinas (fillas) e engadiremos páxina. Crearase un novo nodo que poderemos renombrar ao noso gusto ou borrar. Para renombrar un nodo ou páxina, seleccionarémolo e picaremos sobre a ligazón " Renombrar". Facendo dobre clic sobre o nodo seleccionado conseguiremos o mesmo efecto. Para borrar un nodo bastará con seleccionalo e picar sobre a ligazón "Borrar". Temos que ter en conta que se borrará a páxina e todo o contido da mesma.
Neste vídeo indícase como crear unha estrutura de nodos:
Cedec. Crear estrutura de contidos (CC BY)
Subir / baixar un nodo na xerarquía. Mover un nodo cara arriba / abaixo.
As frechas "subir e baixar un nodo na xerarquía" e "mover un nodo arriba ou abaixo" atoparémolas na parte inferior do bloque "Estrutura" e con elas poderemos aumentar ou diminuír a importancia dunha páxina e cambialas de orde. Neste vídeo indícase como reordenar unha estrutura de nodos: