Reserva de praza e matrícula SEN preinscrición

Para o alumnado oficial matriculado no curso 2024/25 que continúa os seus estudos no mesmo idioma e EOI

O alumnado oficial matriculado no curso 2024/25 (que non presentase renuncia) e que desexe continuar estudos no curso 2025/26 no mesmo idioma e escola, deberá realizar a reserva de praza nos prazos indicados no apartado 6.1. da resolución de matrícula e que se poden consultar aquí. (Prazos de matrícula)

Reserva de praza

A reserva de praza realizarase desde a ligazón https://www.informaticacentros.com/xunta, de acordo coas seguintes instrucións (anexo II da resolución). A matrícula en liña permitirá reservar praza no grupo de elección da/o alumna/o, a través da aplicación wbe segundo a oferta educativa aprobada para cada EOI e en función das vacantes existentes.

Unha vez realizada a reserva de praza en liña, deberase efectuar o pagamento dos prezos públicos, e formalizar a matrícula nos prazos establecidos.

1. Acceso. Acceda a aplicación Centrosnet e seleccione EOI de Lugo ou EOI de Lugo-sección de Sarria, segundo corresponda. 
2. Identificación. Entre en Centrosnet co usuario e contrasinal habituais (Acceso a Centrosnet).En caso de dúbida, consulte coa escola. 
3. Reserva de praza. Ao entrar na aplicación o alumnado accederá a unha pantalla con información acerca do curso en que lle corresponde matricularse e poderá elixir un grupo dos que se lle oferten. Esta oferta de grupos poderá verse na pantalla a que accede a/o solicitante. 
4. Confirmación da reserva de praza de matrícula. Unha vez que o alumnado confirme a selección do grupo no que se quere matricular, esta non poderá ser modificada nin anulada. Ao confirmar a reserva de matrícula, o sistema xerará un resgardo onde se indicará o idioma, curso e grupo seleccionado, así como o día e hora en que se grava a súa solicitude. O alumnado recibirá información dos prezos públicos correspondentes para que poida efectuar o pagamento polos procedementos establecidos na resolución de matrícula.

A praza está reservada e pendente de formalización. A formalización de matrícula está supeditada á presentación de toda a documentación requirida na resolución de matrícula. Este proceso realizarase desde a mesma aplicación empregada para a reserva de praza, como se indica a continuación.

Pagamento dos prezos públicos

Unha vez realizada a reserva de praza en liña, deberase efectuar o pagamento dos prezos públicos segundo o establecido na resolución de matrícula e obter o resgardo que certifique este pagamento, que se deberá achegar coa documentación correspondente en cada caso. (Taxas matrícula oficial)

O pago da matrícula deberá efectuarse nos prazos establecidos. No caso de non efectuarse o pagamento, ou de non achegar a documentación acreditativa do mesmo, anularase a reserva de praza.

Se o precisa, pode consultar unha guía para pagar taxas na oficina virtual tributaria que atopará nesta ligazón. 

Formalización de matrícula

O alumnado oficial matriculado no curso 2024/25 e que realizou reserva de praza terá que formalizar a matrícula aboando os prezos públicos e presentando a documentación precisa, como se indica resolución de matrícula e a continuación:

1. Presentación de documentos. Acceda a aplicación Centrosnet e achegue a documentación correspondente (Documentación matrícula oficial) dentro dos prazos establecidos. As persoas interesadas responsabilizaranse da veracidade dos documentos que presenten. As escolas poderanlle solicitar ao alumnado a presentación dos documentos orixinais para o cotexo da copia electrónica presentada. 
2. Formalización da matrícula. Unha vez que o alumnado achegue correctamente o resgardo de que efectuou o pago dos prezos públicos correspondentes (pago telemático ou en entidade bancaria) e o resto da documentación requirida na resolución de matrícula, segundo corresponda, recibirá un correo electrónico do centro coa confirmación da formalización da súa matrícula.

Tras finalizar cada prazo de matrícula, as prazas non confirmadas pola secretaría do centro quedarán anuladas e, polo tanto, liberadas para o seguinte prazo de matriculación ou listaxe de espera, e a/o solicitante perderá calquera dereito sobre a reserva da súa praza.

Se a/o solicitante se atopa nalgunha situación que requira a presentación de documentación adicional, deberá facelo a través da aplicación de matrícula, dentro dos prazos establecidos na resolución de matrícula.

Importante: Debe saber que a posta en marcha do grupo da súa elección dependerá do número mínimo de persoas inscritas que o xustifique.