Que datos é imprescindible ter actualizados en XADE?

Para que tanto o profesorado como o alumnado podan acceder ao EVA (entorno virtual de aprendizaxe) e polo tanto ás materias. No XADE haberá que ter actualizada a seguinte información:

• Grupos de alumnado creados.
• Asignado o profesorado aos grupos e ás materias.
• Ter cargado na aplicación de cargos ao Coordinador/a Edixgal (aparecerá na pestaña de cargos no XADE).
• Ter identificados os cursos e as materias Edixgal. 
• Ter actualizada en todo momento a matrícula para actualizar posibles altas/baixas de alumnado (e polo tanto o acceso ao EVA).

Teño que matricular os alumnos no meu curso no EVA?

Non, durante os primeiros meses do curso académico o Xade proporcionará os datos ao EVA, matriculando os alumnos automaticamente.

Se durante o curso houbera cambios no XADE en canto a agrupamentos, cambios de grupo, profesorado, etc. e estes cambios non se sincronizaran habería que contactar co Soporte Premium para poder realizar os cambios oportunos.

Que pasa cando un/unha profesor/a ou un/unha alumno/a non pode entrar no EVA?

Revisar o XADE:

• Relativo ao profesor ten que estar asignado ao grupo e a materia
• Relativo ao alumno ademais de ter as credenciais de acceso ten que estar matriculado e asignado ao grupo
• Para que se fagan efectivos os cambios feitos no XADE temos que esperar á sincronizacón co EVA.

Que credenciais temos que utilizar para acceder á plataforma virtual de aprendizaxe - EVA?

O profesorado accederá á plataforma usando as credenciais da súa conta de usuario corporativa, empregada tamén no acceso ao correo.

O alumnado empregará as credenciais facilitadas por medio da ferramenta de xestión de credenciais.

Se o alumnado esqueceu as credenciais, quen llas facilita de novo?

Calquera docente que lle dea clase, desde o apartado "O meu escritorio > Xestión de credencias" pode consultar e modificar os contrasinais do alumnado.

A persoa substituta que cubre a baixa da persoa titular pode acceder ó EVA?

Unha vez realizada a xestión no XADE, tanto a persoa substituta como a substituída pode acceder ó EVA e ós cursos e materia asignados en XADE.

Un docente que imparta unha materia que non estea implicada no proxecto, pode empregar o EVA?

Si. Todo o profesorado do centro que forma parte dun nivel/grupo integrado no proxecto poderá acceder e empregar o EVA e os recursos asociados desde o proxecto para esa materia.

As familias poden acceder ao entorno virtual de aprendizaxe do alumnado?

Si, empregando as credenciais do seu fillo/a.

Unha forma sinxela de facer este seguimento é a través da app Moodle Mobile, onde as familias se poderían rexistrar coas credenciais do seu fillo/a e acceder á mensaxería, tarefas, materiais, etc.