Taxas de matrícula nos cursos de destrezas

Procedemento de pago: 

Pódese facer de varios xeitos (en todos é imprescindible o envío do resgardo deste pago a través da plataforma de CentrosNet, xunto co resto da documentación requirida):

1. Recollendo o impreso de pago de taxas na conserxaría do centro ou descargándoo desde esta ligazón, cubríndoo e pagando no banco.
2. Pagando telematicamente, seguindo os pasos deste titorial, nesta ligazón.
3. Xerando o PDF do impreso de pago de taxas, imprimíndoo, cubríndoo e pagándoo no banco. Para facelo, hai que seguir os pasos do titorial ata o punto 5, e nesa pantalla clicar en "Descargar modelo" (abaixo de todo).

Exencións e descontos:

• Familias numerosas de categoría xeral: exención do 50% do importe total.

• Familias numerosas de categoría especial, persoas cun grao de minusvalía igual ou superior ao 33%, vítimas de actos terroristas (así como seus cónxuxes e fillos), vítimas de violencia de xénero (así como os seus fillos): exención do 100%.
• Os descontos para os funcionarios en activo dos corpos docentes están establecidos na Lei Orgánica 2/2006, do 3 de maio, de educación (BOE do 04/05). Este colectivo só está exento das taxas de matrícula nas materias de nova matriculación. O persoal docente deberá acreditar que está en servizo activo no momento de formalizar a matrícula presentando un certificado de servizos prestados (pódese obter en Datos Persoais).

Todas as persoas que teñan dereito a descontos ou exencións deben achegar a documentación xustificativa por CentrosNet, xunto co resgardo de pago.

As taxas da EOI en Galicia están reguladas polo Decreto 89/2013 do 19 de xuño (DOG do 17/06).