Semana do 16 ao 20 de xuño
Venres, 19 de xuño de 2025
Grazas!!! Moitas grazas por todo este tempo compartido, miñas quedidas rapaciñas, meus queridos raparigos. Fun unha mestra moi afortunada de tervos coñecido e compartido con vós e as vosas familias estes dous anos.
Podedes ver de novo o vídeo cunhas pinceladiñas dalgunhas das aventuras vividas nestes dous anos:
https://drive.google.com/file/d/15yYI_vGPTswqL089kN1ri8YI3mAn-rNd/view?usp=sharing
Queda o verán e o descanso.
E tamén unhas pinceladas diarias que vos permitan manter o aprendido: as operacións básicas (suma, resta multiplicación e división, unha cada día, faciliña) usadas, a ser posible na resolución dalgún problema do Quinzet, do súper, da casa, da horta, da vida... E xa sabedes, moita moita, moita lectura. Lede sen parar, sen control, todo tipo de libros e historias. Escribide sempre o que sentides; iso axudaravos a entendervos mellor a vós mesmos e ás persoas que vos rodean.
Non esquezades rir e xogar moito cada día, falar e escoitar aos avós e avoas, que teñen a sabiduría toda, e ás vosas nais e pais. Cantade, bailade, brincade, correde moito e sede moi, moi felices.
Así se resumen os deberes para o verán. Outros mestres recollerán o froito das sementiñas plantadas e eu espero vervos florecer espléndidos e marabillosos, marabillosas...
NOTA: O martes, ás dez e media estarei no horto co sacho, para levantar as patacas, as cebolas e os porros que temos plantado e que levaredes os que veñades á horta; con roupa e calzado vello. Ás doce menos cuarto remataremos o traballo. As doce podedes vir á aula todas as familias e alumnado que queirades recoller as notas.
Mércores, 18 de xuño de 2025
C Sociais: Ficha de avaliación. Mañá faredes exactamente esta ficha!!!
Martes, 17 de xuño de 2025
C Sociais: Mirade os vídeos que vos puxen en Aula virtual, facede os Liveworksheets, enviádemos e estudade a ficha de hoxo coas información máis importante de cada época histórica e que debedes de saber para a proba do xoves.
NOTA: O xoves todas as familias do alumnado de 4º están convidadas á estrea da obra de teatro "O misterio do cadro desaparecido" no Auditorio A Xuventude ás doce da mañá.
Luns, 16 de xuño de 2025
Castelán: Páxina 218, exercicios do 1 ao 5. Repaso da unidade 11.
C Sociais: Liveworksheets da prehistoria e Idades da Historia. Vídeos de "Era unha vez ... o home.
English. Estudy for exam.
NOTA: Comprobade que tendes localizados e entregados todos os escritos do curso.