Redactar
A función principal dun sistema de correo é poder enviar mensaxes a outros usuarios. Para facer isto basta con premer en Redactar na icona da barra lateral de ferramentas:
Unha vez premido aparecerá de xeito automático a seguinte xanela:
Como podemos observar esta xanela ofrece diversas opcións ao usuario, entre as máis destacadas temos, nomeadamente:
(1)
Seleccionamos a conta dende a que queremos mandar o correo.
(2)
Escribimos as direccións de correos ás que queremos mandar a mensaxe. En caso de ter máis dun destinatario podemos separar as direccións por comas. Deste xeito cada destinatario poderá ver o conxunto de todos os destinatarios da mensaxe.
(3)
Engadir Cc: Seleccionando esta opción podemos enviar a mensaxe a outras direccións a modo de copia. Nesta opción cada un dos destinatarios tamén poderá ver que a mensaxe foi enviada a estas direccións. En caso de que queiramos poñer un ou varios destinatarios da mensaxe sen que outros destinarios sexan coñecedores delo deberemos seleccionar Engadir Bcc.
(4)
Premendo en Examinar poderemos engadir un ou varios documentos ao correo.
(5)
Escribir a mensaxe en texto plano ou en formato HTML, podendo neste caso utilizar unha barra de ferramentas con funcionalidades como diferentes tipo de letra, tamaño, sangría, etc. É importante fixarse ben á hora de escribir ou seleccionar os destinatarios dun correo electrónico, asegurándose de que se indicaron correctamente para evitar o envío involuntario de información sensible a destinatarios non desexados.
(6)
Comprobar a ortografía do texto redactado.
(7)
Gardar como borrador para enviar a mensaxe noutro momento.
(8)
Pedir que o destinatario envíe unha mensaxe automática de confirmación de lectura.
(9)
Envío da mensaxe.