| Clase |
Clase con distanciamento social |
A distancia (na Rede) |
A distancia (offline) |
|
Compartir información (PDI ou encerado)
|
Compartir información asegurándose da separación entre pupitres.
Pode ser necesario repetir a información en pequenos grupos.
|
Compartir información nunha aula virtual, blog ou similar.
Gravación do/a docente explicando no encerado ou ben gravación con voice-over.
|
Compartir material impreso co alumnado.
Haberá que considerar como llo facer chegar.
|
|
Debate de clase ou conversas breves en grupos pequenos
|
Debates en tempo real garantindo a distancia social.
Será necesario incrementar o volume, polo cal cumprirá establecer unhas normas previas.
|
Debate sincrónico ou asincrónico nun espazo virtual.
Pode ser escrito (nun foro, por exemplo) ou oral (gravándose cunha aplicación coma Vocaroo).
|
Debate con diferentes membros da familia.
Cumprirá ver se esta é unha opción viable para todo o alumnado e asegurarse de se é unha opción inclusiva.
|
|
Colaboración en grupos pequenos organizados por mesas
|
Colaboración en grupos pequenos.
Será necesario manter a distancia social e asegurar que non se comparte material.
|
Colaboración a través da aula virtual e/ou aplicacións complementarias.
Cumprirá organizar os agrupamentos e establecer expectativas claras dos obxectivos e dos procesos de traballo.
|
Colaboración con diferentes membros da familia.
Cumprirá ver se esta é unha opción viable para todo o alumnado e asegurarse de se é unha opción inclusiva.
|
Creación empregando material dispoñible na aula (pegamento, cartolina, etc) |
Creación empregando material dispoñible na aula.
Será necesario manter a distancia social e asegurar que non se comparte material.
|
Creación empregando unha aplicación ou ferramenta na Rede para crear:
- presentacións
- vídeos
- infografías
- storyboards
- pósters
Cumprirá valorar se requiren rexistro e analizar as condicións de privacidade e seguridade.
|
Creación usando material dispoñible na casa ou facilitado pola escola.
Será necesario valorar que material terán dispoñible e se é posible para o alumnado manipulalo de forma autónoma ou non.
|
|
Explicacións directas do/a docente
|
Explicación directa de conceptos asegurándose da separación entre pupitres.
Pode ser necesario repetir a información en pequenos grupos.
|
Explicación en vídeo/audio ben do/a propio/a docente ou de fontes externas.
O alumnado pode traballalo ao seu propio ritmo.
Permítelle ao profesorado compartir entre varias clases e centros educativos.
|
As explicacións van escritas ou en vídeos/audios (descargados) que se lles facilitan ás familias. Son os pais/nais/titores/as os que fan as explicacións.
Cumpriría ver como facerlles chegar o material e valorar se teñen o tempo e as estratexias para facer este traballo.
|
|
Uso de libros ou materiais compartidos
|
Uso de libros ou materiais.
Cumpriría ver se se pode facer un uso seguro sen compartir, ben establecendo quendas, ben escaneando parte dos contidos e proxectándoos, etc.
|
Uso dun recurso na Rede ou multimedia dun banco de REA ou creado polo profesorado.
|
Uso de libros ou materiais na casa.
Faría falta ver se se lles poden facer chegar e garantir a equidade de acceso.
|
|
Reunirse, compartir e debater: feedback oral
|
Reunirse, compartir e debater: feedback oral. Pode ser sobre traballo realizado na aula ou na casa.
Hai que facelo en pequenos grupos mantendo a distancia social, pero prové unha oportunidade de ter conversas de calidade.
|
Feedback oral con gravacións de audio/vídeo do docente sobre un traballo entregado.
|
Feedback oral de pais/nais/titores/as.
Cumpriría ver se teñen o tempo e as estratexias para facer este traballo.
|
|
Autoavaliación do traballo
|
Autoavaliación do traballo.
Cumprirá valorar se poden facer esta tarefa na casa ou se este constitúe o mellor uso do tempo de clase (limitado).
|
Autoavaliación en espazos virtuais facendo unha reflexión, empregando unha rúbrica ou analizando o cumprimento dunha folla de ruta.
|
Autoavaliación offline usando unha batería de criterios (recollidos nunha rúbrica, por exemplo).
Cumpriría considerar como facerllo chegar ao/á docente e devolverllo de novo ao alumnado para completar o círculo de retroalimentación.
|
|
Coavaliación do traballo
|
Coavaliación do traballo.
Dadas as medidas de distanciamento e manexo de material compartido, cumprirá establecer tempos e normas.
|
Uso do espazo virtual para a coavaliación.
Necesita dun apoio e preparación previos para que o feedback que dean sexa significativo e precisa de acompañamento e monitorización.
|
Facer esta tarefa offline constitúe un reto e é difícil artellalo de forma significativa nun tempo razoable. |
|
Construír comunidade, facer grupo
|
Construír comunidade e facer grupo respectando as normas de distanciamento social.
Cumprirá manter o equilibrio entre o sentido de comunidade e o respecto ao benestar de cada un/unha dos/as alumnos/as.
|
- Debates na Rede
- Presenza do profesorado e do centro na Rede
- Traballos en grupo
- Concursos
- Asembleas
- Webinarios
|
Oportunidades para traballar individualmente para un obxectivo grupal.
Cumpriría unha comunicación clara ás familias sobre como está traballando o centro educativo e o que se pretende.
|
|
Motivar o alumnado
|
Oportunidades de contacto nun ambiente seguro e de apoio, provendo feedback e facilitando o diálogo arredor da aprendizaxe.
|
Oportunidades de contacto nun ambiente virtual seguro, provendo feedback e facilitando o diálogo arredor da aprendizaxe.
|
Comunicación regular co alumnado e/ou familias.
Cumpriría valorar a dispoñibilidade e a vontade das familias.
|