O IES A Xunqueira I acollerá o vindeiro luns 18 de maio, en horario de 18:30 a 20:30, unha charla formativa dirixida ás fa

milias baixo o título “Privacidade, intimidade e saúde dixital”, que será impartida por José Torres Meira, membro da Garda Civil con experiencia en accións de prevención e concienciación cidadá.

A sesión está orientada a proporcionar ás familias ferramentas e coñecementos clave para afrontar os retos derivados do uso das tecnoloxías por parte da mocidade. Así mesmo, as familias poderán asistir acompañadas das súas fillas e fillos, co obxectivo de favorecer un espazo compartido de reflexión e aprendizaxe.

Durante a ponencia, abordaranse cuestións relacionadas coa seguridade no ámbito dixital, facendo especial fincapé na privacidade, a intimidade e o benestar no uso das tecnoloxías. Ademais, tratarase de maneira destacada a responsabilidade dos pais e nais sobre as accións dos seus fillos e fillas no entorno dixital, incidindo na importancia do acompañamento, a supervisión e a educación en valores no uso das redes e dispositivos.

Para obter máis información sobre o poñente, pódese consultar o seu currículo no seguinte enlace: https://jetorres.es/curriculum/

Esta actividade constitúe unha oportunidade para reforzar a colaboración entre familia e escola na educación dixital do alumnado, promovendo hábitos seguros, responsables e saudables.
 

Descarga aquí o programa para o simulacro das cualifiacións das probas da ABAU con todas as ponderacións das materias optativas en función da carreira elexida:

1. Descarga en formato excel para sistema operativo Windows
2. Descarga en formato libre office para Windows ou para Linux

Lémbrase que a admisión e a matriculación nun centro docente público implican respectar o proxecto educativo do mesmo.

Se queres consultar a normativa sobre o proceso de admisión preme AQUÍ 

Se queres consultar o manual para as familias preme AQUÍ 

Se queres acceder á aplicación informática do proceso de admisión preme AQUÍ 

Se quere consultar a zona de influencia do centro prema AQUÍ (A zona de influencia de bacharelato aínda non está actualizada pola Consellería).

Se quere coñecer os datos do centro, oferta educativa e demais servicios prema AQUÍ

RESERVA DE PRAZA. Desde o 15 de xaneiro ata o 4 de febreiro. 

Por parte do alumnado dos centros adscritos.

Centros adscritos na ESO: CEIP Parada (Campañó) / CEIP A Xunqueira nº1 / CEIP Pedro Antonio Cerviño (Campolameiro) / CEIP Plurilingüe San Benito de Lérez 

Centros adscritos no Bacharelato: IES de Barro

Este trámite debe facerse no centro de orixe, é dicir, no centro no que actualmente está matriculado o alumno/a, ou a través da aplicación admisionalumnado.

Feita a reserva de praza, para renunciar á mesma a data límite é o 28 de febreiro de 2026 (incluído).

CRITERIO COMPLEMENTARIO DO CENTRO. 

Informamos que o criterio complementario aprobado polo Consello Escolar do centro IES A Xunqueira I  con data 26/06/2020 é  "pertencer aun coro escolar".

ANUNCIO SORTEO PÚBLICO DO NÚMERO PARA RESOLVER OS EMPATES

Ver resultado sorteo AQUÍ. (NON DISPOÑIBLE)

ASIGNACIÓN PRAZAS RESERVADAS ALUMNADO CENTROS ADSCRITOS

O 23 de febreiro publicarase no taboleiro de anuncios do noso centro.

VACANTES

Antes do 1 de marzo publicación dos postos vacantes no centro. Premer AQUÍ. 

 SOLICITUDE DE ADMISIÓN

Desde o 1 ao 20 de marzo, ambos inclusive. 

Por parte de alumnado que non pertence a un centro adscrito, que pertencendo a centro adscrito non reservara praza ou que se reincorpore ao sistema educativo. 

A solicitude será única. De ter presentadas máis de unha perderá os dereitos de prioridade que lle poidan corresponder, a non ser que renuncie á anterior indicándoo expresamente na nova solicitude. Poderanse pedir ata 6 centros por orden de preferencia e alegar os criterios de admisión que pretenda que se lle valoren. 

Presentarase:

• na secretaría do centro que se solicita en primeiro lugar, ou ben

• por medios telemáticos no seguinte enderezo:  http://www.edu.xunta.es/admisionalumnado 

BAREMACIÓN

Finalizado o prazo de entrega de solicitudes, e sempre que a demanda de prazas sexa superior á oferta de vacantes, será necesario baremar.

As familias poderán presentar, dentro dos 10 días hábiles seguintes ao fin de presentación de solicitudes (do 23 marzo ao 7 abril, ambos incluídos), a documentación acreditativa dos criterios de admisión alegados na súa solicitude. De non facelo entenderase que renuncia á valoración correspondente.

LISTAXES PROVISIONAIS DE ADMISIÓN. 

Publicaranse o 27 de abril.

Aféctalle ao alumnado que presenta solicitude de admisión. 

Non se facilitará información telefonicamente sobre as listas, por mor da protección de datos. Para acceder á mesma deberá achegarse ao taboleiro da secretaría do centro ou ben a través da sede electrónica coa súa conta.

Poderase formular reclamación no prazo de 5 días hábiles contados a partir do seguinte ao da súa publicación, ante o consello escolar do centro. Estas reclamacións entenderanse estimadas ou desestimadas coa publicación da listaxe definitiva.

 LISTAXES DEFINITIVAS DE ADMISIÓN

Publicaranse o 15 de maio.

Aféctalle ao alumnado que presenta solicitude de admisión.

Non se facilitará información telefonicamente sobre as listas, por mor da protección de datos. Para acceder á mesma deberá achegarse ao taboleiro da secretaría do centro ou ben a través da sede electrónica coa súa conta.

Poderase interpor recurso de alzada ante a persoa titular da xefatura territorial, no prazo de un mes contado a partir do día seguinte ao da súa publicación (do 16 maio ao 15 xuño).

MATRÍCULA

Entre o 23 de xuño e o 7 de xullo. Para todo o alumnado, sexa novo ou non, que queira cursar estudos no centro. 

Lémbrase que a admisión e a matriculación nun centro docente público implican respectar o proxecto educativo do mesmo.

Se queres consultar a normativa sobre o proceso de admisión preme AQUÍ 

Se queres consultar o manual para as familias preme AQUÍ 

Se queres acceder á aplicación informática do proceso de admisión preme AQUÍ 

Se quere consultar a zona de influencia do centro prema AQUÍ (A zona de influencia de bacharelato aínda non está actualizada pola Consellería).

Se quere coñecer os datos do centro, oferta educativa e demais servicios prema AQUÍ

Persoas beneficiarias

Convocatoria de becas de carácter xeral para o curso académico 2026-2027, para estudantes que cursen estudos postobrigatorios:

• Bacharelato.

• Formación profesional.

• Estudos universitarios

• Ensinanzas artísticas profesionais.

• Ensinanzas deportivas.

• Ensinanzas artísticas superiores.

• Estudos relixiosos superiores.

Prazo de presentación

A solicitude de beca tanto para estudos universitarios coma non universitarios, estenderase desde o día 07 de abril de 2026 ata o 18 de maio de 2026, ás 15.00 hora peninsular.

Solicitude

Deberá cumplimentarse mediante o formulario accesible por vía telemática a través da sede electrónica (https://sede.educacion.gob.es ou http://www.educacionyfp.gob.es)

Información:

https://www.becaseducacion.gob.es/portada.html

Normativa