Lectura do Manifesto do 8M no Pleno do Concello

O luns 23 de marzo as nosas alumnas de 1º Bacharelato C, Sara Asdih Ouerdi e Jialan Liu leron o manifesto do 8M. Nel fan referencia, ademais do recordo das mulleres que levan traballando décadas na busca da igualdade, a necesidade de que esta igualdade sexa real, non só sobre o papel, e que, pese a quen pese, “non se vai dar un paso atrás”, pois esa igualdade “tamén é boa para os nosos compañeiros varóns”, porque “somos imprescindibeis e, sobre todo, non somos invisibles” (…), “cada marzo, cada abril, cada día. Sen dar un paso atrás”.