Do 6 ao 9 de outubro de 2026, o IES Frei Martín Sarmiento recibiu a visita de Urška, Marjetka e Mateja, tres profesoras eslovenas das especialidades de Enfermaría e Cosmética, que realizaron unha estancia de observación profesional (job shadowing) no marco do programa Erasmus+.
Durante a súa visita, tiveron a oportunidade de coñecer as nosas instalacións, compartir experiencias co profesorado e descubrir diferentes metodoloxías de ensino.
Ademais do enriquecedor intercambio profesional, queremos destacar a súa simpatía, proximidade e entusiasmo, que fixeron desta experiencia un encontro especialmente agradable.
Foi un verdadeiro pracer recibilas no noso centro! Agardamos que esta visita sexa o inicio de futuras colaboracións europeas.
