Documentación para a matrícula nas probas de certificación- 2024-2025

A inscrición feita en liña nos enderezos correspondentes non terá validez ata que o alumnado a formalice. 
Para formalizar a matrícula, o alumnado debe presentar en liña, no enderezo correspondente e dentro do prazo establecido para a formalización de matrícula, a seguinte documentación:

a) Pagamento das taxas. Resgardo do pago dos prezos públicos (Máis información ↩) segundo o Decreto 89/2013, de 13 de xuño ↩ ou certificado de bonificación ou exención de prezos públicos correspondente, se é o caso.

b) Identificación do alumnado. Un escaneado de ambas caras do DNI ou, no caso de persoas estranxeiras, NIE.
IMPORTANTE: No caso de que a persoa candidata se identificara cun documento distinto do DNI ou do NIE, por exemplo un pasaporte, deberá formular a solicitude presencialmente na secretaría da EOI no prazo establecido para a matrícula. Neste caso, o prazo final estará suxeito ao horario da secretaría do centro en que a persoa se matricule.

c) Alumnado menor de idade. O alumnado que sexa menor de 16 anos a 31 de decembro de 2025 (que teña 14 ou 15 anos) non se poderá matricular do idioma que estea cursando na ESO como primeira lingua estranxeira. Debe achegar un certificado no que se faga constar a primeira lingua estranxeira cursada na ESO a no presente curso escolar, expedido polo centro onde estea matriculado, consonte o modelo do anexo II.  Pódese descargar o anexo II nesta ligazón.

Ademais, os/as titores/as legais de todo o alumnado menor de idade deberán descargar e encher o anexo 7.2 co protocolo de menores e achegalo coa documentación da matrícula. Pódese descargar o anexo 7.2 nesta ligazón.

d) Cursos CALC. Para o alumnado dos cursos CALC, a realización das probas estará condicionada ao cumprimento do requisito de asistencia, que se acreditará a través dun documento de realización do curso, emitido polo CFR correspondente ao remate da actividade lectiva, e que será entregado na EOI correspondente con anterioridade á celebración das probas, con anterioridade ao 20 de maio de 2025.

e) Adaptación de probas. Para o alumnado que precise condicións especiais para a realización das probas debido a algún tipo de discapacidade física ou sensorial, achegarase o anexo III de solicitude de adaptación de probas ↩ xunto coa documentación acreditativa da discapacidade.

As persoas interesadas responsabilizaranse da veracidade dos documentos que presenten. As escolas poderanlle solicitar ao alumnado a presentación dos documentos orixinais para o cotexo da copia electrónica presentada.