Adaptación de probas. Alumnado libre. Curso 2024-2025

De acordo co establecido no artigo 11.6. do Decreto 81/2018, do 19 de xullo, no caso do alumnado que presenta discapacidade, o deseño, a administración e a avaliación das probas para a obtención dos certificados terán que basearse nos principios de igualdade de oportunidades, non discriminación e compensación de desvantaxes. Os procedementos de avaliación conterán as medidas que resulten necesarias para a súa adaptación ás necesidades especiais deste alumnado.

O alumnado que precise condicións especiais para a realización das probas debido a algún tipo de discapacidade física ou sensorial, deberá xustificalo mediante a documentación acreditativa da discapacidade e solicitar unha adaptación da proba no momento en que formalice a matrícula . Pode descargar o anexo III de solicitude de adaptación de probas nesta ligazón. 

A EOI de Lugo poñerá esta circunstancia en coñecemento dos equipos de orientación específicos dependentes do departamento territorial respectivo para que se determinen as adaptacións pertinentes, tendo en conta as medidas recollidas no anexo IV que se poden consultar nesta ligazón.