Solicitudes e prazos de inscrición
(Pendente de publicación para o 2026-2027)
As persoas solicitantes destes cursos poderán facer unha única solicitude de inscrición por cuadrimestre con tres preferencias priorizadas de grupos. En caso de adxudicación de praza en máis dun curso, o/a alumno/a deberá optar por un só curso nunha soa escola.
IMPORTANTE: O proceso de matrícula faise EN LIÑA na súa totalidade nesta aplicación web:
https://www.eoidigital.com/preinslinguagalega/alumnos/index.php
Curso 2026-2027 | Primeiro cuadrimestre | Segundo cuadrimestre |
| Prazo de presentación de solicitudes (1) | ||
| Datas de asignación de prazas (2) | No momento de cubrir o formulario de inscripción, asignarase un número a cada solicitude que será utilizado no sorteo no que se asignarán as prazas. Este sorteo farase en acto público, na , os seguintes días: | |
| Consulta a admisión no grupo solicitado na aplicación web | ||
| Prazos de formalización de matricula (3) | ||
1. Serán excluídas automaticamente as seguintes solicitudes:
- As presentadas fóra de prazo.
- As que non teñan cubertos correctamente os datos necesarios para realizar o proceso selectivo do alumnado
- As que conteñan falsidades ou oculten datos esenciais para a selección das persoas aspirantes
- As que non se axusten ao formulario de solicitude.
2. Os cursos terán un número mínimo de 15 participantes e un número máximo de 25. Se un curso ten un número de solicitantes que cumpran os requisitos maior que o número de prazas dispoñibles, a asignación farase por sorteo. Para a asignación de prazas o sistema informático obterá un número de corte por curso a partir do cal se asignarán as vacantes dispoñibles, este número obtense aleatoriamente entre todos os números asignados a cada solicitante dese curso.
3. Se resulta admitido, deberá formalizar a matrícula na aplicación web e presentar a documentación correspondente nos prazos establecidos.
Presentación da documentación e formalización da matrícula
Unha vez rematado o proceso de asignación de prazas, a documentación presentarase telemáticamente desde o mesmo enderezo da preinscrición (premer aquí ↩). Seleccione unha das seguintes ligazóns, segundo a súa matrícula, para máis información:
As persoas interesadas responsabilizaranse da veracidade dos documentos que presenten. As escolas poderanlle solicitar ao alumnado a presentación dos documentos orixinais para o cotexo da copia electrónica presentada.
De ser ese o caso, a falta de presentación destes documentos, no prazo establecido para cada cuadrimestre, dará lugar á exclusión da persoa solicitante previamente seleccionada e a escola poderá dispor da súa praza para ser ocupada pola persoa correspondente da lista de espera.
Alumnado con necesidades educativas especiais
O alumnado con necesidades educativas especiais fará constar na solicitude a súa condición de discapacidade. A escola poñerá esta circunstancia en coñecemento dos equipos de orientación específicos dependentes da dirección territorial respectiva, no prazo máximo dun mes, contado a partir do último día establecido para a presentación da documentación (punto quinto da resolución), para que se determinen as adaptacións pertinentes.
 |
 |
 |
