.

Suxerimos ler toda a información antes de iniciar a formalización da matrícula. Se houbese algunha dúbida, escribir a eoi.coruna.arteixo@edu.xunta.gal.

A matrícula faise en liña seguindo os seguintes pasos.
•    Entrar na plataforma de matrícula (CentrosNet) da Sección de Arteixo dentro do prazo correspondente. Se non se fai en prazo hai que esperar ata que saian as vacantes que quedaron sen cubrir durante os períodos de matrícula. 
•    Pagar as taxas seguindo a información que aparece en Pago de Taxas.
•    Volver entrar en CentrosNet e subir o xustificante de pago. 
•    No caso de fraccionar o pago da matrícula: subir a CentrosNet o certificado da conta bancaria, onde conste o IBAN e o titular da conta. No caso de que o alumno/a non sexa o titular da conta indicada, hai que achegar unha autorización de domiciliación asinada polo/a titular da conta. Suxerimos consultar as taxas do primeiro e segundo pago xa que son diferentes.
•    No caso de alumnado con diversidade funcional que precise condicións especiais e que non teña recoñecido o dereito a adaptación en cursos anteriores, deberase achegar a documentación acreditativa á plataforma CentrosNet. Hai que cubrir esta solicitude e achegala xunto co certificado de discapacidade, e co resto da documentación de matrícula. Unha vez se presenta esta documentación un ano, non é necesario volver presentala nos cursos seguintes.
•    No caso de alumnado menor de idade, o seu pai/nai/titor legal debe cubrir este documento e subilo a CentrosNet. 
•    Marcar como lido o documento con información importante.