Uso da linguaxe

• Utiliza unha linguaxe correcta e directa, evitando circunloquios innecesarios

Por exemplo: “Alugou un edificio, comprou máquinas e contratou empregados = Montou unha fábrica.”

• Procura dirixirte directamente ao alumnado usando a segunda persoa do singular, coma se estiveses a falar en clase.
• Coida a extensión das oracións. É recomendable usar oracións simples (cun só verbo) en lugar de compostas (dous ou máis verbos)

Por exemplo:

“Le con atención o seguinte texto, subliña noutra cor as ideas principais e fai un breve resumo coas túas palabras.”

“Le o seguinte texto. Subliña as ideas principais. E resúmeo coas túas palabras.”

Linguaxe non sexista e inclusiva

• Usa unha linguaxe inclusiva:
  • Pon exemplos de mulleres e homes.
  • Usa imaxes e pictogramas nos que saian homes e mulleres.
  • Utiliza o colectivo: alumnado, profesorado.
  • Non utilices signos como @, x ou outros, nin abuses dos desdobramentos (os alumnos e as alumnas). Dificultan a lectura.
  • Coida non relacionar actividades co xénero. Por exemplo: as mulleres lavan a roupa e os homes gobernan.
  • Coida a orde. Non menciones sempre primeiro aos homes.
  • Usa a palabra “persoas”. Por exemplo: as persoas con discapacidade.
  • Usa palabras sen xénero. Por exemplo: quen vaian á excursión.
  • Fala de profesións en feminino. Por exemplo: a arquitecta deseñou o edificio.

Unha comunicación e redacción non sexista e inclusiva, que resulte lixeira e natural, devén imprescindible nos nosos REA, máis aínda tendo como destinatario ao alumnado, en pleno proceso formativo. A "Guía de linguaxe non sexista e inclusiva", publicada pola Dirección Xeral de Promoción da Igualdade, Consellería de Política Social e Igualdade, tórnase de consulta obrigada. Para iso, comparte múltiples ferramentas que permiten construír unha linguaxe que cumpra estas expectativas.

A Guía de linguaxe non sexista e inclusiva tamén conta cunha versión para imprimir.

Tipografía

• Usa a tipografía por defecto do estilo cREAGal para eXeLearning, seguindo as recomendacións de Lectura Fácil:
  • O tamaño da fonte é 1.05em, 16.8px.
  • A fonte elixida é "AtkinsonHyperlegible", creada polo Instituto Braille que posúe unha maior lexibilidade para lectores de baixa visión.
  • O espazo entre liñas é 1.4em, 22.4px.
  • O contraste fondo-fonte ha validado o nivel AA da WCAG.
  • A aliñación por defecto é a esquerda.
• Aplica tamén o estilo para táboas e encabezamentos.
• Usa a letra grosa para destacar algunha idea ou palabra importante.
• Usa a cursiva para as citas textuais e os títulos de obras.

Por exemplo:

Como dixo Einstein: Cada día sabemos máis e entendemos menos.

Le este fragmento de Orgullo e Prexuízo, de Jane Austen. A continuación describe os personaxes.

• Emprega a cursiva tamén para os neoloxismos, as palabras que se usan en sentido figurado e os préstamos.

Realiza un timeline cos principais fitos históricos do século XX.

Puntuación: punto e seguido e punto e á parte

• Usa o punto e seguido cando finaliza unha oración e comeza outra relacionada coa anterior.

Por exemplo: "Estamos a investigar os signos de puntuación. Farémolo en equipos."

• Utiliza o punto e á parte ao terminar unha oración que está pouco relacionada coa seguinte.

Por exemplo:

"Estamos a investigar os signos de puntuación.

Na seguinte unidade coñeceremos as regras de acentuación."

Puntuación: a coma

• Usa a coma para:

1. Separar elementos nunha enumeración.

Por exemplo:

No xardín hai rosas, petunias e lirios.

2. Para separar o nome dunha persoa á que nos diriximos.

Por exemplo:

Marco, entrega xa o teu exame.

3. Para realizar aclaracións dentro dunha oración.

Por exemplo:

Os félidos, salvo o guepardo, teñen garras retráctiles.

4. Para separar expresións como “é dicir”, “en fin”, “por último”...

Por exemplo:

Xosé é médico, é dicir, estudou medicina.

Puntuación: punto e coma

• Utiliza o punto e coma para:

1. Unir dúas oracións ou dúas ideas moi relacionadas.

Por exemplo:

Comprei pexegos; tamén comprei uvas.

2. Para separar elementos dunha enumeración formada por sintagmas.

Por exemplo:

Onte fun ao instituto; despois a casa da miña avoa; preguntei a Clara a tarefa; e xoguei cos meus amigos e amigas.

Puntuación: os dous puntos

Emprega os dous puntos para:

1. As explicacións.

Por exemplo:

No zoo había: tigres, elefantes e aves.

2. Introducir as citas textuais.

• Por exemplo:
• Xa o dixo Platón: Onde reina o amor sobran as leis.

3. Para o encabezamento de correo e documentos.

Por exemplo:

Querida amiga:

Escríboche para contarche...

Aspectos ortotipográficos

Para revisar cuestións ortotipográficas, recoméndase a consulta destas guías que compendian aspectos lingüísticos, de cara a minimizar os erros máis frecuentes nos textos.

☑️ Castro Figueiras E. M. e Rodríguez Ricart, M. C. -U. de Vigo- (2022): Breve guía para mellorarmos o uso do galego de https://opi.uvigo.gal/wp-content/uploads/2023/10/Guia-uso-do-GL.pdf

✅ Aspectos ortotipográficos | Ediciones Complutense (s. d.). Obtido 8 de decembro de 2025, de https://www.ucm.es/ediciones-complutense/aspectos-ortotipograficos.

Títulos

• Usa títulos curtos, atractivos e que definan o propósito do apartado.

• Lembra que ao final dos títulos non tes que engadir punto.

Apartados

• Deseña a árbore de contidos cun máximo de tres niveis de aniñación.

• Distingue os apartados e subapartados do menú incluíndo numeración previa ao título. Por exemplo:

1. Comezamos a nosa aventura

1.1. Exploramos o noso cole

1.2. Pomos en común os nosos resultados

1.3. ...

• Numera tamén exercicios e actividades incluíndo devandita numeración no título do exercicio/actividade.

• Inclúe non máis de 15 apartados por REA.

• En canto á extensión dos apartados, deseña ao redor de tres pantallas de navegación para cada un.

• Non esquezas inserir polo menos unha imaxe, ilustración, elemento gráfico ou elemento multimedia en cada apartado.

Listas

• Usa as listas para estruturar o contido, sempre que sexan de máis dun elemento.

• Podes usar listas ordenadas (cando a información leva unha orde) ou viñetas.

• Engade un signo de puntuación ao final.

Listas con diferentes niveis

• Para xerarquías con diferentes niveis e subniveis de información podes combinar números e símbolos.

• O esquema numerado permite mostrar os niveis e subniveis.

• Para xerarquizar a información pódense utilizar só números. Por exemplo:

1.

1.1

1.2

2.

2.1

2.2

• Tamén se poden combinar números e letras. Por exemplo:

1.

1.a

1.b

2.

2.a

2.b

Hipervínculos

• Engade un título aos hipervínculos e ligazóns, de maneira que se informe do lugar ao que dirixe.

Por exemplo:

"Accede ao recurso + Nome do recurso"

"Accede á web + Nome da web"

Documentos de creación propia

• Se creas un documento adxunto de creación propia no teu REA, lembra usar:
  • os modelos do Proxecto
  • a fonte Atkinson Hyperlegible (que deberás instalar no teu equipo)

Imaxes

• Sempre que insiras unha imaxe, completa os apartados da lapela "Xeral".

No Título: engade a información que se verá ao pasar o rato por encima dela.

En Descrición da imaxe: engade o texto que lerán os lectores de pantalla.

Vídeos e outros elementos multimedia

• No caso de que insiras ou embebas unha infografía, un recurso, un vídeo ou un audio, lembra ofrecer unha transcrición alternativa destes recursos.

• No caso dos vídeos, activa os subtítulos.

Licenzas

• Os Recursos Educativos Abertos do Proxecto cREAgal publícanse baixo Licenza Creative Commons CC BY-NC-SA, polo que os elementos que se integren neles deben ser compatibles con esta licenza.

• É importante que sempre que uses contido de terceiros cites quen é a autora ou autor do recurso, engadas unha ligazón ao recurso orixinal (sempre que sexa posible) e indiques o tipo de licenza orixinal.

• Lembra que podes usar unha obra xa divulgada con Copyright se é para citala, analizala, comentala ou criticala. E se posúe Licenza Creative Commons, podes usala respectando as condicións do tipo de licenza.

Como citar obras de autorías con licenza CC

• Se o traballo contén algunha información sobre o copyright incluída polo/a autor/a deixala intacta ou reproducila dunha forma razoable considerando o medio no que se está reproducindo.

• Citar o nome do autor/a, nome en pantalla, identificación de usuario etc. É aconsellable enlazar o nome da persoa á páxina do seu perfil.

• Citar o título do traballo (se existe). É conveniente enlazalo ao traballo orixinal.

• Citar a licenza CreativeCommons baixo a que está o traballo. Débese enlazar a páxina de devandita licenza dentro da web de CreativeCommons.

• Se se trata dun traballo derivado ou unha adaptación, ademais do anterior, explicitar que a obra é un traballo derivado. Por exemplo: "Isto é unha tradución de (traballo orixinal) por (autor/a)".

• Nalgúns casos o/a autor/a establece requirimentos adicionais en canto á atribución da obra a certo nome, pseudónimo ou organización ou referente á súa asociación a unha URL particular.

• A forma en que se pode presentar esta información é flexible, non hai un modelo ríxido preestablecido.

Créditos

• Seguindo as pautas de Lectura Fácil, engade ao final  do teu REA un apartado para créditos no que indiques o nome e a autoría de todas as imaxes ou recursos multimedia utilizados. Para iso, completa a lapela "Título e recoñecemento".

Imaxes