1.3.9. Portabilidade

Todos os ficheiros que se inclúen (texto, imaxe, audio, vídeo...) son de formato de uso maioritario.

Por exemplo, inclúe ficheiros con formato txt, ott, pdf, html, xml, wav, mp3, mp4, jpeg, gif,...

O REA pode empregarse en calquera dispositivo, mesmo sen conexión a Internet.

Cando elabores e publiques o teu REA ten en conta que debe poder ser usado en calquera dispositivo (móbil, tableta, computador...) e en calquera navegador.
Comproba como funciona en diversos dispositivos antes de publicalo.
Ademais debes asegurarte de que funciona sen erros en dispositivos adaptados a persoas con discapacidade.
É importante que se poida acceder ao contido clave con e sen conexión a Internet: evita embeber contido en liña doutras páxinas para que as persoas que non teñan acceso a Internet poidan acceder sempre a el cando descarguen o REA.
Tamén podes incluír un documento PDF para imprimir, segundo o indicado na guía dos grupos de traballo. O formato en papel axuda á comprensión lectora de textos.

Cumprimenta a ficha de metadatos conforme ao estándar LOM-ES para que o REA poida ser catalogado.

Se o teu REA forma parte dun proxecto, consulta a guía técnica para coñecer como catalogalo.

O REA debe poder exportarse a diferentes formatos (estándar educativo, sitio web, EPUB3, texto plano...).

Ademais permíteche integralo na túa aula virtual de Moodle (e tamén no EVA E-Dixgal).