Comezar a crear un recurso seguindo pautas de Lectura Fácil

1. Toma primeiro decisións sobre:

Que queres crear.

Quen serán as persoas usuarias do texto/documento.

Que tipo de texto ou recurso queres crear e sobre que temática vas falar.

Que función vai cumprir.

Que extensión vai ter.

Sobre que soporte vas publicalo.

Decide se tes que contar con outros apoios complementarios que axuden a mellorar a comprensión.

2. Organiza a estrutura do texto ou documento:

Establece os apartados e subapartados.

Organiza que ideas serán as principais e as secundarias.

Selecciona o vocabulario para que sexa acorde á temática e ao fin que decidiches no paso anterior.

Elixe os complementos que acompañan o teu texto e que che axudarán a facilitar a súa comprensión (glosarios, índices, imaxes etc).

Descarga o modelo para comezar a crear en formato PDF editable

3. Realiza un primeiro borrador:

Segue as pautas e recomendacións que che indicamos no apartado 1.4.2 desta guía.

4. Primeira revisión:

Comproba coa túa organización, equipo ou persoa coordinadora se se axusta á proposta.

Se é necesario, modifícao seguindo as achegas que che fagan.

5. Validación:

Se contas cun equipo de validación, envía o documento.

Continúa o proceso seguindo as pautas que che marquen.

Se o texto, documento ou recurso escrito que creaches forma parte dun proxecto de elaboración de REA, ten tamén en conta as indicacións da guía de estilo e outros requisitos consensuados pola organización.

Comezar a adaptar un recurso seguindo pautas de Lectura Fácil

1. Analiza o documento orixinal sobre o que vas facer a adaptación e responde:

Que tipo de texto/documento é.

Cal é a súa temática.

Cal é a súa extensión.

Que elementos contén, cal é o seu deseño.

Que necesidade cobre.

Que complexidade ten.

Que elementos para o deseño se usan.

2. Analiza tamén a súa estrutura:

Identifica os apartados e subapartados.

Como están organizadas as ideas: principais e secundarias.

Que vocabulario usa.

3. Toma decisións sobre:

Quen serán as persoas usuarias do texto documento. Analiza o seu perfil.

Que información queres dar.

Cal será a extensión final do documento.

Que elementos ou recursos de apoios complementarios vas introducir.

Que partes do documento vas usar e de cales vas prescindir.

Que orde vas seguir na presentación da información.

Decide tamén se é necesario incluír información adicional para que o documento ou texto sexa comprendido mellor.

Por último concreta o formato e soporte no que vas publicalo.

Descarga o modelo para comezar a adaptar en formato PDF editable

4. Realiza un primeiro borrador:

Segue as pautas e recomendacións que che indicamos no apartado 1.4.2 desta guía.

5. Primeira revisión:

Comproba coa túa organización, equipo ou persoa coordinadora se se axusta á proposta.

Se é necesario, modifícao seguindo as achegas que che fagan.

6. Validación:

Se contas cun equipo de validación, envía o documento.

Continúa o proceso seguindo as pautas que che marquen.

Se o texto, documento ou recurso escrito que adaptaches forma parte dun proxecto de elaboración de REA, ten tamén en conta as indicacións da guía de estilo e outros requisitos consensuados pola organización.