FORMATO E ESTILO

O recurso deséñase tendo en conta pautas formais que melloran a capacidade de comprensión en todas as persoas, ofrecendo un estilo gráfico uniforme que facilita a lectura:

1. O texto alíñase á esquerda.
2. Utilízanse tipoloxías de letra accesibles (de fácil lectura, por exemplo, Atkinson Hiperlegible (a usada nos REA de cREAgal), Sans Serif, Arial, Ubuntu ou unha fonte que sexa sinxela).
3. Sinálanse algunhas palabras ou ideas con letra grosa pero sen abusar.
4. Hai punto e final despois de cada frase.
5. Existe coherencia entre as iconas e o texto ao que acompañan.

COMUNICACIÓN INCLUSIVA

As pautas comunicativas, orais e icónicas, oriéntanse cara á inclusión de homes e mulleres así como todo tipo de persoas desde unha perspectiva igualitaria.

1. Os contidos inclúense tendo en conta a perspectiva de xénero. Selecciónanse contidos que dan visibilidade ás contribucións tanto das mulleres como dos homes nos diferentes campos do coñecemento, evitando unha perspectiva androcéntrica ou nesgada.
2. A linguaxe icónica é inclusiva A linguaxe icónica non é sexista, coida que nas imaxes de grupo non exista supremacía de representación masculina e tópicos culturais (por exemplo, o médico e a enfermeira, os nenos fortes e as nenas sensibles) e propón imaxes contra estereotipadas, chamadas tamén positivas (por exemplo, aparecen nenos sensibles e nenas fortes, homes que son enfermeiros e mulleres doutoras).
3. A linguaxe escrita tende a ser inclusivo. Na medida do posible evitar o masculino xenérico e o masculino singular e, para iso, proponse o cambio de redacción cun xiro que diga o mesmo utilizando a perífrase ou a metonimia. Por exemplo, utilizar vocábulos inclusivos do tipo alumnado, profesorado, persoas, amizades, xefatura.
4. Represéntanse persoas con trazos físicos diferentes que se asemellen á realidade do alumnado. Represéntase unha realidade humana variada e non estereotipada (por exemplo, non todos os personaxes son altos e de trazos centroeuropeos), próxima ao alumnado, evitando a reprodución do imaxinario creado polos medios de comunicación masivos, para ofrecer unha imaxe real do mundo.

ACCESIBILIDADE

O recurso deséñase desde unha perspectiva aberta e inclusiva, facilitando ao máximo a comprensión do mesmo e a interacción co material en caso de necesitar tecnoloxía de asistencia.

1. Existe un alto contraste entre texto/imaxes/vídeos sobre o fondo. O recurso está realizado de maneira que a visualización e lectura do mesmo é cómoda e de calidade
2. Textos escritos seguen as recomendacións de 'lectura fácil', segundo público obxectivo.
   • A sintaxe é directa, sinxela e previsible.
   • Pode axustarse o tamaño do texto.
3. Todos os as ligazóns ou hiperligazóns ábrense en xanela nova (e así se indica ao pasar o rato pola ligazón).
4. As imaxes e vídeos contemplan un rótulo aos seus pés con información acerca da atribución.
5. Os vídeos contemplan posibilidade de engadir subtítulos para favorecer a comprensión por parte de persoas con discapacidade auditiva.
6. As táboas incorpóranse directamente no recurso, non son unha imaxe. Por exemplo, no editor de texto seleccionamos inserir "Táboa" para posibilitar a lectura por parte das tecnoloxías de asistencia utilizadas por persoas con discapacidade visual.