Admisión alumnado 2026/2027 - ESO - Bacharelato

a) Normativa reguladora do procedemento.

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

• Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C)

b) Prazo de presentación das solicitudes de reserva.

• Do 15 de xaneiro ó 4 de febreiro

c) Data de publicación da listaxe do alumnado con posto reservado.

• Antes do 1 de marzo

d) Postos escolares ofertados en cada nivel e etapa:

e) Prazo de presentación das solicitudes de admisión.

• Do 1 ó 20 de marzo

f) Nota informativa:

• 1º. Todo o alumnado incluído no ámbito desta orde poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar.

  Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

• 2º. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.

• 3º. En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela.

  A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.

g) Prazo de presentación da documentación xustificativa dos criterios de baremo alegados (se fose necesario)

• 10 días hábiles despois de rematar o prazo de solicitudes

h) Data de publicación da listaxe provisional do alumnado admitido e non admitido e prazo para formular reclamación.

• 25 de abril (5 días hábiles para a formulación de reclamacións)

h) Data de publicación da listaxe definitiva do alumnado admitido e non admitido e prazo para formular reclamación.

• 15 de maio

i) Prazo para formalizar a matrícula.

• Do 23 de xuño ó 7 de xullo (prazo ordinario)

k) Centros adscritos do centro

l) Área de influencia do centro en cada unha das ensinanzas impartidas e áreas limítrofes.

• Área de influencia: Concello de Sanxenxo

• Áreas Limítrofes: Concellos aledaños.

m) Servizos complementarios que ofreza o centro

• Transporte escolar

n) Nota informativa.

• A admisión e a matriculación nun centro docente público ou privado concertado implicarán respectar o proxecto educativo e o carácter propio do centro privado concertado, se o tivese.

o) Máis información.

Na aplicación admisionalumnado (https://www.edu.xunta.gal/admisionalumnado) pode consultarse a seguinte información:

• O cronograma coas datas dos trámites principais do procedemento de reserva, admisión ordinaria e matrícula.
• A previsión de postos escolares dispoñibles e as súas modificacións.
• A relación do alumnado de cada curso, co número da solicitude de admisión asignado pola aplicación admisionalumnado no momento da súa gravación.
• O estado de tramitación da súa solicitude utilizando o número de solicitude e o número de DNI da persoa solicitante.
• A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido, utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e Chave365 (https://sede.xunta.gal/chave365)."

p) Prazas vacantes e solicitudes de reserva

• Infórmase que as prazas ofertadas en 1º ESO son suficientes para todas as solicitudes de reserva presentadas.

• Infórmase que as prazas ofertadas para 1º de Bacharelato NON son suficientes para todas as solicitudes de reserva presentadas (ambos itinerarios). En consecuencia, o alumnado deberá presentar solicitude de matrícula entre o 1 e o 20 de marzo.