No IES de Vilalonga impartimos Educación Secundaria Obrigatoria (ESO) e Bacharelato, ofrecendo unha formación integral que acompaña ao alumnado ao longo das distintas etapas do seu desenvolvemento académico, persoal e social.

Na etapa de ESO, dende 1º ata 4º curso, traballamos para consolidar os coñecementos básicos, adquirir hábitos de estudo e fomentar valores como a responsabilidade, o respecto e o pensamento crítico, atendendo á diversidade de ritmos e necesidades do alumnado.

O Bacharelato supón unha etapa clave de especialización e preparación para o acceso aos estudos superiores. No noso centro ofertamos as modalidades de Ciencias e Tecnoloxía e de Humanidades e Ciencias Sociais, permitindo ao alumnado orientar a súa formación en función dos seus intereses, capacidades e expectativas académicas e profesionais.