Somos Dubiani, Kirill e Tymur, tres alumnos de FP Básica de Informática que realizamos unha mobilidade Erasmus no terceiro trimestre. A nosa experiencia de prácticas en Oporto foi moi positiva. Aínda que cada un de nós realizou as prácticas nunha empresa e contorno diferente, todos aprendimos moito e puidemos desenvolver novas habilidades profesionais. Ademais, tivemos a sorte de coñecer a Lucas, un compañeiro que se aloxaba na mesma residencia ca nós. Desde o primeiro momento axudounos en todo o que puido e compartiu connosco parte da súa vida e as súas experiencias, facendo a nosa estadía moito máis agradable. Sen dúbida, esta experiencia permitiunos medrar tanto persoal como profesionalmente e levarnos grandes recordos de Oporto.
