Procedemento

Se remataches os teus estudos de Bacharelato ou de Ciclo Medio ou Superior (incluída a FCT e, para o caso de ciclos superiores, o proxecto), debes realizar o pagamento de taxas para a expedición do título.

Este pago de taxas pode facerse mediante dúas modalidades:

Telemáticamente

O pago debe facerse na Oficina Virtual da Axencia Tributaria de Galicia: https://ovt.atriga.gal/ segundo estes pasos:

• Cidadáns
• Pago de taxas e prezos: Iniciar taxa.
• Acceso libre ao servizo (cadeado aberto).
• Iniciar taxa.
• Introducir os datos da taxa segundo se indica nos documentos que se atopan ao final desta páxina.
• Continuar.

No apartado obxecto débese poñer un texto similar a "Expedición do título de <poñer aquí o título> de <poñer aquí o nome>".

Unha vez feito o pago telemático, deberase retroceder ao apartado Cidadáns - Pago de taxas e prezos - Operacións realizadas e imprimir en PDF o modelo 730 para envialo ao correo electrónico secretaria.ies.teis@edu.xunta.gal, xunto coa fotocopia do DNI, coa fin de rexistrar o depósito do título e expedir a correspondente certificación.

Presencialmente

Débese solicitar o impreso na Secretaría do IES de Teis, onde se lle indicará o trámite a seguir.

Tarifas de expedición de títulos

Como cumprimentar os impresos

A continuación podes atopar os modelos para cumprimentar os impresos de pagamento:

• Impresos para ensinanzas LOE, as impartidas actualmente.

  Document

  Modelo LOE.pdf (62.75 KB)

• Impresos para ensinanzas LOXSE, os seguintes títulos extinguidos: Ciclo Superior Desenvolvemento Aplicacións Informáticas, Ciclo Superior Administración de Sistemas Informáticos, Ciclo Medio Explotación de Sistemas Informáticos, Ciclo Superior Estética, Ciclo Medio Estética Persoal e Decorativa, Ciclo Medio Perrucaría e Ciclo Superior Asesoría de Imaxe Persoal.

  Document

  Modelo LOXSE.pdf (65.03 KB)

Se queres solicitar a expedición do título de FP-1 ou FP-2 (xa extinguidos) debes pagar as taxas correspondentes, o que pode levarse a cabo mediante dúas modalidades: presencial ou telemática.

En ambos casos debe accederse á seguinte ligazón: https://sede.administracionespublicas.gob.es/pagina/index/directorio/tasa059 escollendo a opción adecuada.

Unha vez escollida a provincia, cumprimentarase todo o formulario escollendo a titulación que corresponda (FP-1 ou FP-2) como se amosa nesta imaxe:

Unha vez realizado o pago, deberase imprimir en PDF o resgardo e envialo ao correo electrónico ies.teis@edu.xunta.es, xunto coa fotocopia do DNI, coa fin de rexistrar o depósito do título e expedir a correspondente certificación; ou ben achegar a mesma documentación de forma presencial á secretaría do instituto.