Xa se comentou máis arriba que Cunqueiro gustaba de contar as súas historias ao xeito de como llas contaron a el, deixando un sabor oral no relato. Nesta actividade ímosche pedir que asocies cada característica da oralidade co exemplo que a representa.
Escolle a opción correcta na listaxe despregable.
Non nos debe pasar por alto o feito de que Cunqueiro sempre sitúa os seus relatos nun espazo real, aínda que teña características máxicas. Neste caso o narrador dubida entre Noia e Betanzos.
Coa axuda dun mapa de Galicia, sitúa estas dúas vilas. Preme na imaxe para accederes ao mapa:
Agora que as localizaches, como valoras o feito de que a voz narradora non saiba situar a orixe de Rosa Martiño? (Resposta aberta).
Chama a atención que as dúas vilas estean tan afastadas a unha da outra. Afonda ti algo máis.
Non cabe a menor dúbida de que é un atrevemento. Éo. Porque non se poden mellorar as palabras de Cunqueiro, evidentemente. Mais, como quedaría o relato se en lugar de meter tantas repeticións, non as metera? De entrada perdería o efecto que o nosos autor perseguía, isto témolo claro, mais, fagamos a proba: sobre seguinte fragmento fai unha nova redacción reducindo o número de repetións, cambiando algunha palabra e mantendo o sentido.
Na retroacción tes unha posible solución; non a abras antes de intentárelo!
Unha mañá, co reloxo na man, cheiroulle a queimado. Abriu o reloxo e estaba ardendo aquela mecha amarela que tiña, e toda a maquinaria púxose ao roxo vivo. Rosa tirou o reloxo ao chan. O reloxo estoupou.
Unha mañá, co reloxo na man, cheiroulle a queimado. Abriuno e comprobou que estaba ardendo aquela mecha amarela que tiña e que toda a maquinaria se puxera ao roxo vivo. Rosa tirouno ao chan e Ø estoupou.
Con esta sentenza remata o relato. É algo frecuente nos textos de Cunqueiro, mais, a que cres que se refire? Selecciona unha das alternativas e redacta un pequeno texto (arredor de cinco liñas) xustificando a túa escolla (resposta aberta).
Nos seguintes fragmentos faltan algunhas palabras. Escolle as correctas seguindo as instrucións que tes máis abaixo.
Cunqueiro é un narrador de personaxes, eles son a historia mesma que se está a contar. Os seus nomes son os títulos da meirande parte dos relatos e o contido destes está, á súa vez, inzado de personaxes, “Rosa Martiño” tamén.
Escolle en cada lista despregable o personaxe que corresponda con cada característica.
Licenciado baixo a Licenza Creative Commons Recoñecemento Non-comercial Compartir igual 4.0