EPUB é un estándar aberto para libros electrónicos. A diferenza do formato PDF, os documentos EPUB non están definidos para un tamaño de páxina fixo. O contido adáptase ao tamaño da pantalla; se a pantalla é máis pequena haberá máis páxinas, si é máis grande haberá menos.
O estándar estendeuse até a súa versión 3.0, que se publicou en outubro de 2011. Esta extensión representou unha pequena revolución. A súa principal novidade é a inclusión de HTML5, sendo agora posible incluír, entre outros, elementos de audio e vídeo. Poden ser usadas un amplo número das funcións de CSS3, así como de JavaScript.
Recomendamos a lectura do artigo: La nueva versión de eXeLearning permite exportar a ePub3, publicado no ano 2014.
Aspectos a ter en conta neste tipo de exportación:
- No nodo inicio, a primeira imaxe inserida servirá de cuberta do noso exportado EPUB. Esa imaxe utilizaraa o lector na previsualización.
- Lembra encher os campos de catalogación en Propiedades>Paquete. Aparecerán na previsualización do lector.
- EPUB3 NON soporta iframes, java, flash... Debemos telo en conta e engadir un enlace para que o dispositivo poida reproducilos desta forma (se son compatíbeis...).
- Os contidos EPUB3 poden visualizarse sen necesidade de conexión a Internet. Antes teremos que importalos no noso dispositivo. No caso de Android, se utilizamos Dropbox ou Drive como app, podemos premer no arquivo. Producirase a descarga e o dispositivo ofreceranos abrilo con Gitden Reader. Podemos colgalo en liña ou envialo ao correo e descargalo desde o navegador que se abrirá. Outra opción sería a descarga desde USB ou aplicacións como AirDroid.
- EPUB3 soporta ligazóns, imaxes... Utiliza as opcións de subliñado, dicionario, marcado de páxina, copiar, compartir... Para Android recoméndase como app de dicionario ColorDict, compatible en diferentes idiomas.
- Formato de vídeos compatíbeis: MP4.
- Formato de audio compatible: MP3.