eXeReader é unha aplicación para Android e iOS que funciona en dispositivos móbiles e coa que podemos visualizar os proxectos creados con eXeLearning. As vantaxes deste sistema son:
- Non é necesario publicar os contidos en ningún espazo da Rede, polo que o proceso para compartir é moi simple.
- Podemos enviar o proxecto directamente ao noso alumnado (por exemplo a través do correo electrónico, compartíndoo a través dos servizos de almacenamento na nube etc.)
- Non é necesaria conexión a Internet no momento da visualización, excepto para os recursos en liña como os vídeos.
Para poder ver un proxecto con eXeReader debemos seguir os seguintes pasos:
- Exportar o proxecto como ficheiro ZIP: Ficheiro → Exportar → Sitio web → Ficheiro ZIP.
- Enviar o arquivo ao móbil ou tableta do alumnado.
- Desde o móbil, descarga o ficheiro e ábreo; aparecerá a aplicación eXeReader para compartir. Seleccionámolo e xa podemos abrir o proxecto.
De forma alternativa ao último paso podemos:
- Gardar o ficheiro ZIP no móbil.
- Abrir eXeReader.
- Pulsa o botón + e busca o ficheiro que acabamos de descargar.
