2º Ciclo

Celebramos no cole o día das Letras Galegas xunto coa festa dos maios!

Coma outros anos, alumnado de infantil, primaria e secundaria formou grupos interidade para pasar por unha serie de estacións organizadas polo Equipo de Dinamización da Lingua Galega (EDLG). Oito estacións que permitían celebrar as Letras Galegas e os maios e, en especial, coñecer a Begoña Caamaño, persoa á que se lle adican neste ano 2026.

Ao rematar as estacións, puidemos gozar dunha merenda protagonizada pola rosca doce e un anaquiño de tempo de lecer.

Estando o señor Don Gato tirulato tirulato, sentado no seu tellado tirulado tirulado; recibe a fatal noticia tirulicia, tirulicia…

Este martes 12 de maio recibimos a visita dun músico, contador e titiriteiro. O seu nome é Carlos Quintá Cagide, artísticamente coñecido como Estatalá. 

Da súa maleta saen unha chea de historias cantadas, marionetas que danzan, cancións que se bailan e instrumentos do máis variopintos. 

Que sorte tivemos de disfrutar do seu espectáculo! Foi todo un éxito entre as rapazas e rapaces!

Xunto a María, afondamos no coñecemento da auga, identificamos zonas de risco de inundacións e reflexionamos sobre a súa prevención e coidado.

Seguimos aprendendo sobre a importancia de protexer este recurso esencial.

Hoxe, 23 de abril, celebramos o día do libro dunha maneira moi especial!

Tivemos a sorte de recibir no noso cole a María Canosa, quen compartiu co alumnado momentos cheos de maxia, palabras e emocións.

4º de primaria mergullouse en Vagalume de versos.

5º de primaria descubriu O neno inverno.

6º de primaria sentiu Teño un volcán dentro.

Coidado! Micoorganismos atacan! Ou son bos amigos?

Darío, alumno de 2º da ESO, visita ás nenas e nenos de 4º de primaria para falarlles dun experimento levado a cabo con Celtia, profe de Bioloxía, na materia de Proxecto Competencial.

Un experimento que nos demostra o importante que é a limpeza das mans e dos obxectos que nos arrodean. 

Micoorganismos microscópicos que, dándolles un bo alimento, pasan a ver visibles en certa maneira polo ollo humano.

E canto aprendimos e que ben o pasamos!

Moitas grazas pola vosa visita! Voltade sempre que queirades!

O pasado luns celebramos no noso centro o Día da Muller cunha actividade especial pensada para dar visibilidade ao papel das mulleres en diferentes ámbitos da sociedade.

O alumnado participou nunha dinámica baseada nun álbum de cromos, a través do cal puideron coñecer e descubrir a figuras femininas relevantes en campos como a ciencia, o deporte, a cultura ou o activismo. Cada cromo presentaba unha muller destacada convertida en superheroína e as súas achegas, permitindo que o alumnado aprendese mentres completaba o seu álbum.

A semana pasada conmemoramos o Día de Rosalía de Castro coa máquina expendedora de poemas da homenaxeada. Moitísimas gracias a todos e todas por aportar o voso gran de area, o resultado foi incrible! 👏🏻

O pasado 22 de xaneiro, o alumnado de 3º e 4º de Educación Primaria realizou unha saída educativa. Visitamos A Coruña, unha experiencia chea de diversión, aprendizaxe e convivencia.