O equipo de 4º de primaria achegouse o 28 de xuño a este concello para facer unha saída ao aire libre, concordando coa temática que está a traballar na área de ciencias: Prehistoria e comezos da Historia.
A primeira parada foi no Dolmen de Dombate, onde tivemos a sorte de contar coa guía Iria. Disfrutamos un anaquiño a soas con este monumento megalítico pra poder debuxalo e escribir algo sobre el no noso caderno de campo.
Segunda parada? Castro de Borneiro. Nada máis chegar, gozamos da merenda e, xusto ao acabar, tivemos un tempiño para explorar o asentamento celta e seguir cubrindo o caderno.
Como xa collimos forzas, comezamos a andaina de hoxe polo Rego dos Muíños. Quen será quen de atopalos todos? Nós só puidemos identificar uns 16, pero dise que hai 24! Animámosvos a intentalo!
Ao rematar, xa nos ruxían as tripas de novo, polo que nos diriximos a unhas mesiñas que hai no paseo de Cabana pra gozar un xantar todas e todos xuntos. Ao rematar, tivemos un pouco de tempo libre para andar polo parque.
Un paseíño de 10 minutos para recoller as últimas follas e flores e completar o caderno de campo e directos/as ao bus pra chegar a tempo ao cole.
Quen quere repetir?
Dolmen de Dombate
Castro de Borneiro
Rego dos Muíños
Xantar
Tempo de lecer no parque
Caderno de campo
