1º Ciclo

O alumnado de 1º e 2º de Primaria desfrutou dunha fantástica escapada á Coruña para seguir aprendendo e descubrindo o mundo que os rodea.

A nosa primeira parada foi no Acuario, onde tivemos a oportunidade de observar unha gran variedade de animais mariños. Entre os que máis chamaron a nosa atención estiveron o tiburón Gastón, os agapornis e as focas, aínda que tamén puidemos coñecer moitas outras especies fascinantes. Foi unha experiencia moi especial!

Celebramos no cole o día das Letras Galegas xunto coa festa dos maios!

Coma outros anos, alumnado de infantil, primaria e secundaria formou grupos interidade para pasar por unha serie de estacións organizadas polo Equipo de Dinamización da Lingua Galega (EDLG). Oito estacións que permitían celebrar as Letras Galegas e os maios e, en especial, coñecer a Begoña Caamaño, persoa á que se lle adican neste ano 2026.

Ao rematar as estacións, puidemos gozar dunha merenda protagonizada pola rosca doce e un anaquiño de tempo de lecer.

Estando o señor Don Gato tirulato tirulato, sentado no seu tellado tirulado tirulado; recibe a fatal noticia tirulicia, tirulicia…

Este martes 12 de maio recibimos a visita dun músico, contador e titiriteiro. O seu nome é Carlos Quintá Cagide, artísticamente coñecido como Estatalá. 

Da súa maleta saen unha chea de historias cantadas, marionetas que danzan, cancións que se bailan e instrumentos do máis variopintos. 

Que sorte tivemos de disfrutar do seu espectáculo! Foi todo un éxito entre as rapazas e rapaces!

Xunto a María, afondamos no coñecemento da auga, identificamos zonas de risco de inundacións e reflexionamos sobre a súa prevención e coidado.

Seguimos aprendendo sobre a importancia de protexer este recurso esencial.