3º ciclo

Celebramos no cole o día das Letras Galegas xunto coa festa dos maios!

Coma outros anos, alumnado de infantil, primaria e secundaria formou grupos interidade para pasar por unha serie de estacións organizadas polo Equipo de Dinamización da Lingua Galega (EDLG). Oito estacións que permitían celebrar as Letras Galegas e os maios e, en especial, coñecer a Begoña Caamaño, persoa á que se lle adican neste ano 2026.

Ao rematar as estacións, puidemos gozar dunha merenda protagonizada pola rosca doce e un anaquiño de tempo de lecer.

Xunto a María, afondamos no coñecemento da auga, identificamos zonas de risco de inundacións e reflexionamos sobre a súa prevención e coidado.

Seguimos aprendendo sobre a importancia de protexer este recurso esencial.

Hoxe, 23 de abril, celebramos o día do libro dunha maneira moi especial!

Tivemos a sorte de recibir no noso cole a María Canosa, quen compartiu co alumnado momentos cheos de maxia, palabras e emocións.

4º de primaria mergullouse en Vagalume de versos.

5º de primaria descubriu O neno inverno.

6º de primaria sentiu Teño un volcán dentro.

O alumnado de 6º de primaria tivo a oportunidade de poder asistir a unha xornada de xogos en galego da man de @brazolinda_xogos.
Graciñas por esta tarde tan amena e divertida, foi todo un éxito! 🥳

O pasado luns celebramos no noso centro o Día da Muller cunha actividade especial pensada para dar visibilidade ao papel das mulleres en diferentes ámbitos da sociedade.

O alumnado participou nunha dinámica baseada nun álbum de cromos, a través do cal puideron coñecer e descubrir a figuras femininas relevantes en campos como a ciencia, o deporte, a cultura ou o activismo. Cada cromo presentaba unha muller destacada convertida en superheroína e as súas achegas, permitindo que o alumnado aprendese mentres completaba o seu álbum.

A semana pasada conmemoramos o Día de Rosalía de Castro coa máquina expendedora de poemas da homenaxeada. Moitísimas gracias a todos e todas por aportar o voso gran de area, o resultado foi incrible! 👏🏻