O pasado luns celebramos no noso centro o Día da Muller cunha actividade especial pensada para dar visibilidade ao papel das mulleres en diferentes ámbitos da sociedade.
O alumnado participou nunha dinámica baseada nun álbum de cromos, a través do cal puideron coñecer e descubrir a figuras femininas relevantes en campos como a ciencia, o deporte, a cultura ou o activismo. Cada cromo presentaba unha muller destacada convertida en superheroína e as súas achegas, permitindo que o alumnado aprendese mentres completaba o seu álbum.
A actividade fomentou a curiosidade, o traballo colaborativo e a reflexión sobre a importancia da igualdade e do recoñecemento das contribucións das mulleres ao longo da historia e na actualidade.
Con iniciativas como esta buscamos seguir educando en valores de igualdade, respecto e inspiración para que o noso alumnado coñeza referentes diversos que axuden a construír unha sociedade máis xusta.
 |  |
