Web dinámicas

Para crear contido, debemos ir ao noso menú de navegación e premer en crear contido, isto fai que se despreguen as opcións dos distintos tipos posibles de contido. Dependendo do noso rol podemos ter mais ou menos posibilidades de creación de tipos de contidos. Noutro momento explicaremos os tipos de contido -o máis normal é escoller o contido tipo páxina e que tódolos roles teñan a posibilidade de crear este tipo (páxina)-. Na imaxe recóllense tódolos tipos de contido dispoñibles (rol administrador)


tendo seleccionado o tipo de contido que imos crear (no exemplo páxina) aparece a xanela que contén o formulario onde temos que escribir o título do contido, seleccionar o menú (categoría) na que vai a estar publicado (tamén depende do noso rol poder facelo en mais ou menos apartados) e, mediante o editor de texto, escribir o que queiramos.

O editor de texto

O editor de texto do Drupal (TinyMCE) presenta unhas opcións moi semellantes a calquera presentando unha navegación baseada en iconas.

Abaixo da caixa de texto onde escribir atopamos a opción de desactivar o TinyMCE (disable text-rich) e pasar a escribir en texto plano con código html. Se prememos en disable rich-text accedemos tamén á icona para subir imaxes mediante o módulo Image Assist (máis adiante comentaremos as posibilidades de inxerir imaxes nos documentos). Temos polo tanto dúas vistas posibles no momento de escribir o noso texto:

Vista normal da caixa de texto (módulo TinyMCE activado coa opción de inxerir imaxes mediante o módulo IMCE):

Vista unha vez seleccionamos disable rich-text:

Outras opcións

As seguintes opcións dependen do tipo de usuario que sexamos. Comentaremos as máis relevantes xa que -das que vemos na pantalla de abaixo- as Opcións do menú, Axustes de ruta URL e Sheduling options adoitan deixarse sen modificar. O usuario pertencente ao rol administrador ten tódalas posibilidades. O resto dos usuarios (no proxecto o rol profesor, alumno e pai) non teñen activos, dentro das relevantes deste apartado, as opcións de administrar comentarios nin as opcións de publicación.

• Opcións de comentarios:

Temos tres opcións (desactivado, lectura e lectura/escritura). Se queremos que os usuarios que teñan o módulo coment activado (Ruta: Administrar > Mantemento de usuarios > Control de acceso) fagan comentarios ao noso escrito seleccionamos a última -lectura/escritura-. Estes comentarios poden ser con ou sen aprobación segundo sexan os permisos do rol no módulo coment na ruta citada. Se un rol tivera permisos para enviar comentarios pero non seleccionado "enviar comentarios sen aprobación" o administrador tería que ir a Administrar > Administración do contido > Comentarios e alí premer a pestana Lista > Cola de aprobación seleccionar o comentario e decidir se o publica ou o borra.

A opción lectura permite aos usuarios acceder aos comentarios feitos e a opción desactivado impide que o contido sexa comentado. Volveremos a tratalo máis adiante.

• Ficheiros Adxuntos

Onde podemos elixir os adxuntos que vaian co noso documento. Vai activa en tódolos roles e o trataremos na seguinte parte deste módulo.

• Opcións de Publicación

antes de darlle a enviar ou a vista previa para ver como queda o noso documento antes de facer o envío temos a posibilidade de decidir se vai ou non á páxina principal e se queremos que vaia arriba do resto dos envíos feitos á categoría onde vai ser publicado (opción: pegañoso no comezo das listas)