Respecto das entrega das tarefas:
- Recoméndase fixar unha entrega secuencial de tarefas e evitar os prazos dilatados no tempo, para que o alumnado logre seguir un bo ritmo de traballo.
- Cómpre non acostumalos a prorrogar prazos. Isto tamén axudará o profesorado a poder ir desenvolvendo o arduo labor de corrección gradualmente.
- Dado que a plataforma permite configurar o día e hora de entrega, podería ser útil fixar sempre a mesma hora de entrega para que o alumnado dispoña dunha certa rutina (as tarefas pechan sempre ás 14:00 horas, por exemplo).
- É aconsellable explicitar o formato de presentación (a: para evitar que cada tarefa estea nun formato diferente (tipo de letra, tamaño, interlineado). Isto axudará á hora da corrección.
- Convén fixar o formato do nome dos arquivos de entrega. Hai que ter en conta que Moodle permite descargar á vez todas as tarefas. Se non se segue unha nomenclatura, poderiamos atoparnos coa circunstancia de non poder saber a quen lle corresponde o arquivo descargado.
Exemplo:
Para a entrega desta tarefa, debes xerar un único arquivo (pode ser comprimido ZIP ou un documento RTF, DOC, ODT...), que nomearás do seguinte modo: apelido1_apelido2_nome_xxx01_tarefa
- apelidos, seguidos do teu nome e separados por guión baixo,
- nome abreviado do módulo (xxx),
- número de unidade (01) (eliminamos coma) e
- a palabra tarefa.