Este proxecto que comezou no ano 2013 forma parte do Plan Proxecta + da Consellería de Cultura, Educación e Universidade e está integrado no Proxecto Educativo de Centro (PEC) e na Programación Xeral Anual (PXA). Ten que ver cos hábitos de vida activa e saudable, buscando o incremento diario de actividade física que realiza o alumnado, tanto dentro como fóra do centro, e a medición do impacto que ten este incremento da carga de actividade física realizada na saúde dos escolares.
Para acadar estes obxetivos, propóñense diversas actuacións e actividades ao longo do curso no noso centro: actividades extraescolares de bádminton e voleibol, recreos deportivos, desenvolvemento en 2º curso da ESO dun Proxecto Competencial relacionado cos hábitos de vida activa e saudables…
Participamos en diversas modalidades: DAFIS (Datos sobre a Valoración da Condición Física Saudable), ferramenta elaborada ao amparo do PLAN GALICIA SAUDABLE promovido pola Xunta de Galicia e coordinado pola Secretaría Xeral para o Deporte para valorar a condición física do noso alumnado a través de distintas probas/test; XOGADE (Xogos Galegos Deportivos en Idade Escolar) participando nas submodalidades de Bádminton e Voleibol.
Podense ver as diferentes actividades que levamos a cabo no noso BLOG.
