Os días 28 e 29 de maio celebramos no IES de Teis a primeira edición da nosa tenda pop-up de cosmética, unha actividade do alumnado de 1CMEB, 2CMEB e 1CSEIB para practicar a fabricación de produtos cosméticos e achegarse á iniciativa emprendedora.
Esta experiencia foi posible grazas á colaboración do Espazo Maker, do Departamento de Tecnoloxía e ao apoio constante de Conserxería, Secretaría e Vicedirección.
Queremos agradecer moi especialmente a todas as persoas que se achegaron á nosa tenda, que mercaron os nosos produtos e que nos permitiron abrir as portas con tanta ilusión ata case esgotar existencias.
Graciñas por esta primeira edición tan especial… e esperamos que non sexa a última!
