O alumnado do IES de Teis participou este curso no proxecto #parquevibras, unha iniciativa centrada na concienciación medioambiental e na posta en valor dos espazos naturais de Galicia.
O noso centro estivo representado por Diego, Heidy e Lisa, alumnado de 4º ESO B, que conseguiron chegar á fase final do certame grazas ao seu traballo, implicación e creatividade. Finalmente, o grupo foi proclamado gañador provincial, un recoñecemento que permitirá a toda a clase gozar proximamente dunha excursión a un dos parques naturais de Galicia.
Como parte do premio, o centro recibiu tamén un acivro, símbolo do compromiso coa sustentabilidade e o coidado da contorna, que xa foi plantado na entrada do instituto.
Desde o IES de Teis queremos felicitar aos tres estudantes polo excelente traballo realizado e agradecer a todas as persoas implicadas nesta iniciativa que fomenta o respecto polo medio ambiente e a participación activa do alumnado.
Fotografías do escenario: Ramsés.
