Curso 25-26

Desde o día 17 e ata o 31 de xullo as persoas que resultasen beneficiarias da axuda poden recoller o vale para adquirir material escolar en horario de 9,00 a 13,00 h. na administración do centro.

Un amplo grupo de alumnado de 4º de ESO disfrutou da viaxe de fin de etapa entre o 12 e  o 18 de xuño.

Accede AQUÍ ao caderno de viaxe completo.

Galería de imaxes.

A Resolución 2026003246 da Sétima tenente de Alcalde, delegada de Cultura e Normalización Lingüística, Ensino e Xuventude, do 9/06/2026 concedeu ao noso instituto unha subvención de 10.926 €.

Dita subvención empregarase para a realización de actividades educativas complementarias e adquisición de material didáctico de carácter funxible.

Parabéns ao alumnado de 2º Bach premiado no acto MEGAU!

O pasado venres, 19 de xuño, tivo lugar en Santiago de Compostela o acto de recoñecemento ao alumnado de toda Galicia con mellores expedientes nas probas de acceso á universidade, organizado polas tres universidades do Sistema Universitario de Galicia, en colaboración coa Consellería de Educación, Ciencia, Universidades e Formación profesional.

A nosa alumna Sara Sinanovic, xunto con Eva Reza e Candela Cobián, do Club Ximnasia Oleiros resultaron campioas galegas en senior o pasado mes de maio. Ademais, clasificáronse para a gran final da Liga Iberdrola en Segunda División. Moitos parabéns!

Fonte: redes sociais do Concello de Oleiros

O departamento de Matemáticas convocou no curso 25-26 o 6º CONCURSO de FOTOGRAFÍA MATEMÁTICA co tema “As matemáticas na natureza da túa contorna”.

Este ano contou cunha gran participación por parte do alumnado.

Os premiados nesta convocatoria foron:

1º PREMIO: “Toxicidade Euclidiana” de Nuno Yebra Aparicio de 1º bacharelato A

Publícase o calendario coas datas e horas dos exames da convocatoria extraordinaria de 1º de Bacharelato.

Do 18 ao 24 de maio alumnado de 3º e 4º ESO viaxou a Francia para completar o intercambio co Collège Sainte-Marie de Pérenchies (Lille).

Convócanse os premios extraordinarios de Bacharelato destinados ao alumnado que rematou Bacharelato na convocatoria ordinaria do curso 25-26 cunha media da etapa igual ou superior a 8,75.

O alumnado dos centros docentes de Galicia que cumpra eses requisitos pode presentarse á proba para a obtención do premio extraordinario, que ten unha dotación de 1.000 € para cada un/ha dos/as 20 mellores resultados na citada proba.

Este venres, 29 de maio, tivo lugar a xornada de acollida do alumnado de 6º EP do noso colexio adscrito, o CEIP Valle-Inclán.

O obxectivo de dita xornada, organizada polos Departamentos de Orientación de ambos centros, é facilitar o tránsito de Primaria a Secundaria e favorecer que o futuro alumnado de 1º ESO do noso instituto coñeza o centro. Para iso, o alumnado, acompañado do seu profesorado titor, foi recibido no Salón de actos polo equipo directivo e pola orientadora e despois visitou as instalacións do centro coa guía do Equipo de Mediación.