O alumnado de 4º da ESO do centro visitou o pasado 13 de maio a feira científica Galiciencia, celebrada en Tecnópole, grazas a que catro dos seus compañeiros foron seleccionados para participar con dous proxectos: a aplicación anti-estafas “CyberguardIA” e o museo virtual do patrimonio arqueolóxico das Pontes “ArqueoTech”, o cal é visitable na seguinte ligazón. Durante a xornada, ademais de ter a sorte de asistir a unha interesante charla de David Ballesteros sobre ciberseguridade, puideron participar en obradoiros científicos e visitar os proxectos presentados por alumnado de toda España, vivindo unha experiencia chea de aprendizaxe, innovación e inspiración.
