O alumnado de 4º de ESO levou a cabo durante este mes de abril unha saída cultural á cidade de Roma. Visitaron, entre outros recoñecidos lugares, a Fontana de Trevi, o Coliseo, o Panteón, o Foro Romano e as Catacumbas, a basílica de San Pedro e os museos vaticanos, a Capela Sixtina e os museos capitolinos. A viaxe resultou unha experiencia que combinou a aprendizaxe histórico-cultural coa convivencia e a celebración do final dunha etapa da vida educativa.
