1º Bacharelato | |||||
| Materias comúns | Horas | ||||
| Lingua Galega e Literatura I | 3 | ||||
| Lingua Castelá e Literatura I | 3 | ||||
| 1ª Lingua Estranxeira I: Inglés | 3 | ||||
| Filosofía | 3 | ||||
| Educación Física | 3 | ||||
| Relixión ou Disposición de centro | 1 | ||||
| Modalidade de Ciencias e Tecnoloxía | Horas | Modalidade de Humanidades | Horas | Modalidade de Ciencias Sociais | Horas |
| Matemáticas I | 4 | Latín | 4 | Matemáticas aplicadas ás Ciencias Sociais I | 4 |
| Física e Química | 4 | Historia do Mundo Contemporáneo, Literatura Universal, Grego I (escoller dúas) | 4 + 4 | Historia do Mundo Contemporáneo, Literatura Universal, Economía (escoller dúas) | 4 +4 |
| Tecnoloxía e Enxeñaría I ou Bioloxía, Xeoloxía e Ciencias Ambientais ou Debuxo Técnico I | 4 | ||||
| Materia optativa autonómica (escoller unha) | Horas | ||||
| Tecnoloxías da Información e da Comunicación I, Cultura Científica, Anatomía Aplicada, 2ª Lingua Estranxeira I: Francés I, 2ª Lingua Estranxeira I: Portugués I, Linguaxe e Práctica Musical, Cultura Audiovisual, Debuxo Artístico, Antropoloxía, Materia de Modalidade non elixida | 4 | ||||
2º Bacharelato | |
| Materias comúns a todas as modalidades | Horas |
| Lingua Galega e Literatura II | 3 |
| Lingua Castelá e Literatura II | 3 |
| 1ª Lingua Estranxeira II: Inglés | 3 |
| Historia de España | 3 |
| Historia da Filosofía | 3 |
| Relixión ou Disposición de centro | 1 |
| Modalidade de Ciencias e Tecnoloxía. Opción 1 | Horas |
| Matemáticas II | 4 |
| Bioloxía, Física, Química ou Debuxo Técnico II (escoller dúas) | 4+4 |
| Modalidade de Ciencias e Tecnoloxía. Opción 2 | Horas |
| Matemáticas II | 4 |
| Tecnoloxía e Enxeñaría II, Física, Química ou Debuxo Técnico II (escoller dúas) | 4+4 |
| Modalidade de Humanidades e Ciencias Sociais. Ciencias Sociais | Horas |
| Matemáticas aplicadas ás Ciencias Sociais II | 4 |
| Economía e Deseño de Modelos de Negocio, Xeografía ou Historia da Arte (escoller dúas) | 4+4 |
| Modalidade de Humanidades e Ciencias Sociais. Humanidades | Horas |
| Latín II | 4 |
| Grego II, Xeografía ou Historia da Arte (escoller dúas) | 4+4 |
| Materia optativa autonómica (escoller unha) | Horas |
| Métodos estatísticos e numéricos, Psicoloxía, 2ª Lingua Estranxeira II: Francés II, 2ª Lingua Estranxeira II: Portugués II, Patrimonio e Sociedade de Galicia, Tecnoloxías da Información e da Comunicación II, Debuxo Artístico II, Materia de Modalidade non elixida | 4 |
Criterios de promoción e titulación
Promoción
1. Ao finalizar o primeiro curso da etapa e como consecuencia do proceso de avaliación, o equipo docente de cada alumna ou alumno adoptará a decisión sobre a súa promoción ao segundo curso.
2. As alumnas e os alumnos acadarán a promoción de primeiro a segundo de bacharelato cando superen as materias cursadas ou teñan avaliación negativa en dúas materias como máximo.
Para os efectos deste punto, só se computarán as materias que como mínimo a alumna ou o alumno deben cursar en cada un dos bloques. No bloque de materias de libre configuración autonómica só se computará Lingua Galega e Literatura, con independencia de que as alumnas e os alumnos poidan cursar máis materias do devandito bloque.
3. O alumnado que acade a promoción ao segundo curso con materias pendentes deberá matricularse delas e cursalas ao longo do curso. Os centros educativos organizarán as consecuentes actividades de seguimento, recuperación e avaliación das materias pendentes tendo en conta que a avaliación destas materias terá que ser anterior á das materias de segundo curso.
4. As alumnas e os alumnos do primeiro curso de bacharelato que non cumpran as condicións de promoción establecidas deberán matricularse de todas as materias e repetir o curso na súa totalidade.
5. A superación das materias de segundo curso estará condicionada á superación das correspondentes materias de primeiro curso por implicar continuidade.
Non obstante, o alumnado poderá matricularse de materias troncais de opción ou específicas de segundo curso sen cursar a correspondente materia de primeiro curso, sempre que o profesorado que a imparta considere que a alumna ou o alumno reúne as condicións necesarias para poder seguir con aproveitamento a materia de segundo. En caso contrario, deberá cursar a materia de primeiro curso, que terá a consideración de materia pendente, aínda que non será computable para os efectos de modificar as condicións en que acadou a promoción a segundo.
6. As alumnas e os alumnos que ao termo do segundo curso tivesen avaliación negativa nalgunhas materias poderán matricularse delas sen necesidade de cursar de novo as materias superadas ou poderán optar, así mesmo, por repetir o curso completo. Neste último caso, non se manterán as cualificacións das materias do devandito curso que a alumna ou o alumno tivera superado previamente.
Titulación
1. O título de bacharelato acredita o logro dos obxectivos establecidos para a etapa e a adquisición das competencias correspondentes.
2. Para obter o título de bacharelato cumprirá a avaliación positiva en todas as materias dos dous cursos de bacharelato.
3. Excepcionalmente, o equipo docente poderá decidir a obtención do título de bacharel por unha alumna ou un alumno que superase todas as materias agás unha, sempre que se cumpran ademais todas as condicións seguintes:
a) Que o equipo docente considere que a alumna ou o alumno alcanzou as competencias e os obxectivos vinculados a ese título.
b) Que non se produciu unha inasistencia continuada e non xustificada por parte da alumna ou do alumno na materia.
c) Que a alumna ou o alumno se presentou ás probas e realizou as actividades necesarias para a súa avaliación, incluídas as da convocatoria extraordinaria.
d) Que a media aritmética das cualificacións obtidas en todas as materias da etapa cursadas que como mínimo se requiran para a obtención do título pola modalidade pola que se remata sexa igual ou superior a cinco. Neste caso, para os efectos do cálculo considerarase a nota numérica obtida na materia non superada.
4. O título de bacharelato será único e expedirase con expresión da modalidade cursada e da nota media obtida, que se obterá calculando a media aritmética das cualificacións de todas as materias cursadas, expresada nunha escala de 0 a 10 con dous decimais, redondeada á centésima.
5. Para os efectos do cálculo da nota media para o alumnado que cambia de modalidade ou de materia en segundo curso, só se terán en conta as cualificacións das materias cursadas que como mínimo se requiran para a obtención do título pola modalidade pola que se remata.
