Non se permite ao alumnado introducir nin inxerir alimentos ou bebidas de calquera tipo na Biblioteca.
O alumnado non pode falar en voz alta, nin escribir sobre os libros, nin usar teléfonos móbiles.
O alumnado non pode saír da sala de lectura con ningunha obra que non fora prestada regulamentariamente.
Os ordenadores da biblioteca serán só para uso educativo.
As persoas que deterioren libros ou obxectos de calquera clase estarán obrigadas a repoñelos, e se isto non fose posible, a indemnizar o prexuízo causado. Os danos causados maliciosamente ou a subtracción de libros poñeranse en coñecemento da Dirección do Centro, para os efectos que procedan.
O alumnado non pode entrar no almacén da biblioteca.
Cada alumno/a será responsable de custodiar o material que lle pertence.
O profesorado de garda é o encargado de extraer e gardar os libros nos andeis.
Os préstamos dos libros son por 15 días. De xeito xeral, só se realizarán préstamos nos recreos.
En horario de clases, cando a biblioteca estea aberta, poderanse facer préstamos de xogos para subir á aula sempre que o alumnado deixe o carné de estudante de fianza. Antes de rematar a hora de clase, o xogo debe ser devolto ao mesmo profesor que llo prestou.
O alumnado que se atrase na devolución dun préstamo será advertido pola persoa titora ou profesorado encargado da biblioteca. De non proceder á devolución, farase pública unha listaxe de persoas morosas e mesmo se chamará á casa para informar a familia. Se persiste a situación, procederase a aplicar a sanción correspondente segundo o recollido no seguinte punto.
HORARIO
Polas mañás a biblioteca permanecerá aberta con libre acceso para consulta en sala, lectura, préstamo... todos os días no recreo, de 11:20 a 11:55. Contará tamén cunhas horas de utilización que estarán determinadas pola dispoñibilidade horaria do profesorado que compón o equipo de biblioteca.
Polas tardes poderase utilizar o recinto desde as 16:00 ata as 22:30, agás os venres que será de 18:00 a 20:30.
SERVIZO DE PRÉSTAMO
A maioría dos fondos da biblioteca están ao dispor dos diferentes membros da comunidade educativa en servizo de préstamo ata un máximo de tres exemplares ao mesmo tempo.
O prazo de préstamo será de 15 días e só poderá prorrogarse, excepcionalmente, se o libro en cuestión non ten moita demanda.
