Novas

Instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no réxime ordinario.

Instrucións para o desenvolvemento das ensinanzas de formación profesional.

Instrucións para o desenvolvemento das ensinanzas básicas de educación para persoas adultas, bacharelato para persoas adultas e ensinanzas non regradas.

O Ministerio de Educación ten aberto ata o 10 de setembro de 2026 a solicitude de axudas para alumnado con necesidades específicas de apoio educativo.

As situacións obxecto de axuda son: discapacidade, trastorno grave de conduta ou da comunicación e da linguaxe, trastorno do espectro autista ou altas capacidades.

Resolución do Ministerio de Educación.

Máis información na web do Ministerio.

O 18 de maio publicouse a Orde pola que se regula a participación no fondo solidario de libros de texto e se convocan axudas para adquirir libros de texto e material escolar para o curso escolar 2026/27.

O prazo de presentación de solicitudes remata o venres 19 de xuño.

Forma de presentación de solicitudes:

• Electrónica: a través da aplicación fondolibros e presentando a soliciutde na Sede Electrónica mediante o formulario normalizado (procedemento ED330B-anexos I e II) accesible desde a sede electrónica da Xunta de Galicia.

  • INPORTANTE: na presentación electrónica deberá presentar unha solicitude individual para cada fillo.

  • NECESITARÁ ter: A) conta de Chave365 ou B) ter instalado certificado dixital ou DNI electrónico e a aplicación Autofirma.

• Presencial con asistencia da aplicación: cubra os datos na aplicación fondolibros, imprima os anexos I e II cubertos e presenteos na secretaría do centro.

• Presencial manual: cubra os Anexos I e II da Orde da convocatoria e presénteos na secretaría do centro.

Publicación de actos:

No taboleiro de anuncios da secretaría do centro, única e exclusivamente, publicaranse os seguintes actos:

• listaxe provisional e definitiva de persoas beneficiarias de libros de texto.
• listaxe provisional e definitiva de solicitudes excluías, indicando a causa de exclusión.
• relación provisional e definitiva de solicitudes de axudas para adquirir libros de texto e material escolar en que se detecten deficiencias, indicando a deficiencia detectada ou a documentación de que carezan.

Asi mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave365 ou o certificado dixital.

Datas de publicación (prazos máximos):

• Listaxes provisionais: 13 de xullo de 2026.
• Prazo de reclamación: tres días hábiles seguintes ao da publicación da listaxe provisional.
• Listaxes definitivas: 27 de xullo de 2026.

A avaliación de diagnóstico de 2º de ESO levarase a cabo dende o 13 ao 17 de abril. O calendario das probas pódese consultar no seguinte enlace.

Máis información.

Imaxe

Parámetros de ponderación de materias troncais de modalidade e materias de opción

Notas de corte do curso 2025-26

Guía das titulacións universitarias de Galicia

Guía de estudios superiores de Galicia

Do 1 de marzo ao 20 de marzo está aberto o prazo de solicitude de admisión para o alumnado que comenza a ESO, comenza o Bacharelato ou cambia de centro de maneira voluntaria.

Máis información no menú da dereita AdmisiónAlumnado.

A Orde do 21 de outubro de 2022 desenvolve o Decreto 13/2022 e regula o procedemento de admisión do alumnado nos centros docentes sostidos co fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato. Esta orde establece o seguinte calendario de reserva e admisión:

• Do 15 de xaneiro ao 4 de febreiro: prazo de solicitude de reserva para o alumnado que finaliza etapa nun centro adscrito e pasa a outro (centro adscrito ao IES Johan Carballeira: CEIP Plurilingüe A Pedra)

• 23 de febreiro: publicación da listaxe de alumnado con posto reservado.

• Antes do 1 de marzo: sorteo público para os efectos de desempate. Anuncio do sorteo para o curso 2026/2027. Resultado do sorteo.

• Antes do 1 de marzo: publicación dos postos escolares vacantes. Postos escolares vacantes 2026/2027.

• Do 1 ao 20 de marzo: prazo de solicitude de admisión para o alumnado que se incorpora por vez primeira ao sistema educativo galego ou para os que cambian de centro de maneira voluntaria.

• Dez días hábiles a partir do día seguinte ao remate do prazo de solicitude de admisión: presentación da documentación acreditativa para o baremo, sempre que o número de solicitudes presentadas sexa superior ó número de postos escolares vacantes (ata o 7 de abril)

• 27 de abril: publicación da listaxe provisional de admitidos e non admitidos. 

• Cinco días hábiles a partir do día seguinte á data de publicación da listaxe provisional: reclamacións contra listaxes provisionais.

• 15 de maio: publicación da listaxe definitiva de admitidos e non admitidos..

• Do 23 de xuño ao 7 de xullo: unha vez admitido, prazo de formalización da matrícula.

• Cando o último día do prazo non sexa lectivo, prorrogarase automaticamente ata o día lectivo inmediato seguinte.

Centros adscritos: CEIP A Pedra

Áreas de influencia: ESO: Parroquia de San Martiño, Bacharelato: Concello de Bueu.

Áreas limítrofes: ESO: Beluso e Cela, Bacharelato: Concellos de Cangas, Marín e Moaña.

Servizos complementarios que ofrece o centro: Transporte escolar.

Mapa de zonas educativas

A admisión e a matriculación nun centro docente público implican respectar o Proxecto Educativo do mesmo, das normas de organización, funcionamento e convivencia e a concreción curricular do centro, entre outras. Convén a lectura econsulta desta documentación.

INFORMACIÓN A TER EN CONTA

• O alumnado que xa cursa estudos no centro ten garantida a permanencia. 

• Todo o alumnado poderá presentar solicitude de admisión, pedindo ata seis centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Unha vez presentada unha solicitude, para renunciar a ela deberá facerse expresamente indicándoo no recadro correspondente da nova solicitude a presentar.

• O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito (no que está matriculado nese momento), e identificará o centro de adscrición que solicita.

• En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8 da Orde que o regula.

Presentación da solicitude de admisión:

Para presentar a solicitude de admisión poderase seguir algunha das seguintes opcións:

1. Cubrir a solicitude en AdmisionAlumnado e presentala asinada presencialmente no centro.

2. Cubrir a solicitude e asinala na Sede Electrónica. Procedemento ED550B.

3. Cubrir a solicitude manualmente e presentala asinada presencialmente no centro. Solicitude.

Documentación a presentar coa solicitude:

• Copia do DNI da persoa solicitante e dos membros computables da unidade familiar cando denegue a consulta.

• Copia do libro de familia ou documento equivalente onde figure o/a alumno/a e os demais membros computables da unidade familiar.

• En caso de separación dos pais: sentenza xudicial ou convenio regulador onde conste a custodia do menor.

Importante: todas as solicitudes terán que asinalas os dous proxenitores, agás no caso no que a patria potestade estea atribuída exclusivamente a un deles.

Na aplicación AdmisionAlumnado, poderase consultar:

• O cronograma coas datas dos trámites principais do procedemento de reserva, admisión ordinaria e matrícula.

• A previsión de postos escolares dispoñibles e as súas modificacións.

• A relación do alumnado de cada curso, co número da solicitude de admisión asignado pola aplicación AdmisionAlumnado no momento da súa gravación.

• O estado da tramitación da súa solicitude utilizando o número de solicitude e o número de DNI da persoa solicitante.

• A lista do alumnado co posto reservado e a listaxe provisional e definitiva do alumnado admitido coa puntuación total e do alumnado non admitido, empregando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e a Chave365.