 |  |  |
 | ||
A BiblioCarballeira é moito máis ca un espazo de lectura: é o corazón cultural do IES Johan Carballeira. Aberta a toda a comunidade educativa, combina o silencio necesario para a lectura co bulir das ideas, a creatividade e o intercambio. Aquí conviven libros, xogos, cómics e recursos dixitais, pero tamén proxectos, exposicións e encontros arredor da palabra. A nosa biblioteca é un lugar vivo, acolledor e en constante transformación, onde aprender, descubrir e compartir son verbos que se practican cada día.
Deste xeito, facemos nosas as verbas que Lorca pronunciou, hai case 90 anos e que hoxe seguen de absoluta actualidade, na inauguración da biblioteca pública de Fuente Vaqueros:
<<Non só de pan vive o home. Eu, se tivese fame e estivese desvalido na rúa, non pediría pan, senón que pediría medio pan e un libro. E eu ataco dende aquí violentamente a quen só fala de reivindicacións económicas sen nomear xamais as reivindacións culturais, que son as que os pobos piden a berros. Ben é que todos os homes coman, pero que todos os homes saiban. Que gocen de todos os froitos do espírito humano, porque o contrario é convertelos en máquinas ao servizo do Estado, é convertelos en escravos dunha terrible organización social.
Eu teño moita máis pena dun home que quere saber e non pode ca dun famento. Porque un famento pode acalmar a súa fame doadamente cun anaco de pan e unhas froitas, pero un home que ten ansia de saber e non ten medios sofre unha terrible agonía, porque son libros, libros, moitos libros os que precisa. E onde están eses libros?>>
Eses libros están na nosa BiblioCarballeira. Benvidas e benvidos, collede o que máis vos preste, e non esquezades levar conta das actividades que levamos a cabo seguindo o noso blog e a nosa conta de Instagram.
 |  |
 |  |
 | |
EQUIPO DE BIBLIOTECA
Profesorado:
Lucía Durán Paredes
Paula Fernández González
María Fernanda González Briones
Venancio González Caamaño
Miguel Montoto Jácome
Guillermo Luis Núñez González
Natalia Piñeiro González
Xabier Recondo Martínez
Mercedes Vilas Martínez
Responsable:
Paulo González Ogando
