O 24 de marzo comezou o prazo para solicitar bolsas do Ministerio de Educación, Formación Profesional e Deportes para ensinanzas postobrigatorias.

Mais información

O 24 de marzo comezou o prazo para solicitar bolsas do Ministerio de Educación, Formación Profesional e Deportes para ensinanzas postobrigatorias.

Estudos para os que se pode solicitar:

Para aqueles alumnos que no curso 2025/26 estean matriculados en:

• Bacharelato.

• Ciclos formativos de grao básico.

• Formación Profesional de grao medio e grao superior.

• Ensinanzas Deportivas.

• Ensinanzas Artísticas profesionais e superiores.

• Ensinanzas de idiomas en Escolas Oficiais, incluída a modalidade a distancia.

• Cursos de grao medio e superior, impartidos en centros públicos e privados concertados.

• Ensinanzas universitarias de grao ou máster.

Se aínda non se ten claro o que se vai a cursar no próximo curso, a solicitude entrégase coa opción mais probable.

Prazo:

Do 24 de marzo ao 14 de maio de 2025 ás 15:00.

Como solicitala bolsa:

1. Entrar na Sede Electrónica. Todo o proceso de solicitude realízase a través da sede electrónica do Ministerio de Educación.

2. Rexistrarse.

Para rexistrarse necesítase un usuario e unha contrasinal:

• Se xa se está rexistrado, pódese seguir usando esa conta.

• Se nunca se estivo rexistrado, hai que pinchar en “Regístrese” e seguir os pasos para crear a conta.

Para acceder ás solicitude da bolsa, pódese usar un dos seguintes métodos:

• Con Cl@ve ou certificado electrónico.

• Mediante o usuario e contrasinal cos que se rexistrou na sede electrónica.

Ante calquera dúbida pódese chamar os teléfonos habilitados de bolsas: 910 837 937 ou 986 80 59 55.

Cuantía das bolsas:

Cantidade fixa e cantidade variable para FP, Bacharelato e outros estudos non universitarios.

Cantidade fixa e cantidade variable para estudos universitarios de grao e máster.

Requisitos:

• Xerais: nacionalidade española ou nacionalidade dun estado membro da Unión Europea e non estar en posesión dun título igual ou superior a aquel polo que se solicita a bolsa.

• Académicos: non universitarios, universitarios.

• Económicos: non superar determinados niveis de renda e patrimonio.

Obrigas:

O alumnado está obrigado a destinar a bolsa á finalidade para a que se concede.

Entenderase que non cumpre este requisito cando se produza algunha das seguintes circunstancias:

• Haber causado baixa de feito no centro durante o curso.

• Non haber asistido a unha porcentaxe mínima de horas lectivas, salvo dispensa de escolarización (80% das clases en estudos postobrigatorios).

• Non haber superado o 50% das asignaturas ou créditos nois que se está matriculado, na convocatoria ordinaria nin na extraordinarias (40% na rama de ensinanzas técnicas e científicas).

• Obrigas de estudos non universitarios.

• Obrigas de estudos universitarios.

Nestes supostos, o alumnado deberá reintegrar o importe da beca percibida.

O 3 de febreiro publicouse no DOG a convocatoria de axudas para actividades de formacion en linguas estranxeiras (alemán, francés, inglés e portugués) no ano 2025, destinadas ao alumnado de 1º e 2º de bacharelato.

A solicitude destas axudas iniciarase a través da aplicación en liña dispoñible na páxina web do programa: AxudasLe.

O prazo de presentación de solicitudes abrangue dende o 4 de febreiro ata o 3 de marzo de 2025. 

Máis informacion:

Cartel informativo AxudasLe 2025Orde do 24 de xaneiro de 2025 (DOG)

Na Resolución do 4 de febreiro de 2025, da Dirección Xeral de Ordenación e Innovación Educativa, dítanse instrucións para a acreditación das competencias dixitais do alumnado que cursa, en réxime ordinario, ensinanzas de educación secundaria obrigatoria e bacharelato no curso 2024/25.

Os niveis de competencias dixitais que se acreditan a través dos procedementos regulados nesta resolución son: iniciación e intermedio.

Estes niveis correspóndense cos niveis de aptitude do Marco galego de competencias dixitais recollidos no documento Bases para o desenvolvemento do Marco galego de competencias dixitais.

 A acreditación das competencias dixitais do alumnado poderá realizarse a través das seguintes modalidades:

a) Por obter o título de graduada ou graduado en educación secundaria obrigatoria no curso 2024/25.

b) Por obter o título de bacharel no curso 2024/25 e superar unha proba específica de acreditación da área de dominio 4 de nivel intermedio.

Acreditación do alumnado de educación secundaria obrigatoria

1. O alumnado que obteña o título de graduada ou graduado en educación secundaria obrigatoria recibirá o certificado que acredite o nivel de iniciación.

2. Esta certificación será emitida de oficio conforme aos procedementos establecidos no Marco galego de competencias dixitais e no Rexistro de certificacións en competencias dixitais.

3. A acreditación do alumnado terá unha validez de cinco anos a partir da data da proposta de título da alumna ou o alumno.

Acreditación do alumnado de bacharelato

1. A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.

2. O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio descritas no Marco galego de competencias dixitais. 

3. No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.

4. O alumnado que titule sen superar a proba específica e o alumnado que non titule e supere a proba específica poderá solicitar no centro docente un documento que acredite os coñecementos, habilidades e actitudes das áreas de dominio de competencia dixital de nivel intermedio superadas. Para estes efectos poderase empregar o modelo de solicitude recollido no Anexo I da Resolucion.

5. O alumnado recibirá os documentos de acreditación a traves da aplicación Abalar.

6. O documento de acreditación terá unha validez de cinco anos a partir da data da proposta de título da alumna ou o alumno ou da realización da proba específica.

Requisitos do alumnado para participar na proba específica da área de dominio 4 do nivel intermedio

O alumnado que desexe participar na probas específica deberá cumprir o seguinte requisito:

Estar matriculado en 2º de Bacharelato para presentarse á proba específica que acredita a área de dominio 4 de competencias dixitais de nivel intermedio.

Solicitude e inscrición nas probas específicas

1. O alumnado de 2º de Bacharelato que desexe realizar a proba específica solicitará a súa inscrición empregando o modelo establecido no anexo IV da Resolución.

2. O alumnado menor de idade contará coa autorización das persoas proxenitoras ou das persoas titoras legais para poder inscribirse na realización da proba.

3. Os centros docentes deberán inscribir o alumnado que participará na proba con data límite 20 de febreiro, ás 23:59 horas.

Aplicación da proba específica

1. A proba realizarase ao longo do mes de marzo de 2025.

2. A proba realizaranse no centro docente con alumnado inscrito o día e no horario que se estableza segundo o número de alumnado interesado e a dispoñibilidade de equipos informáticos do centro.

3. A convocatoria de cada proba específica será única.

Información sobre a proba específica

A proba específica para acreditar a área de dominio 4, Seguridade e privacidade, axustarase á definición de dita área no nivel Intermedio no Marco galego de competencias dixitais.

A alumna ou o alumno debe responder nun tempo máximo de 20 minutos un total de 12 preguntas de diferente complexidade e tipoloxía.

A proba específica da área de dominio 4 do nivel intermedio considerarase superada ao responder correctamente ao 60% das preguntas (8 preguntas).

Demo da proba de acreditación.

Instrución 2/2025, da Dirección Xeral de Ordenación e Innovación Educativa, pola que se concretan prazos e aspectos do procedemento para as reclamacións finais nas etapas de educación infantil, educación primaria, educación secundaria obrigatoria e bacharelato para o curso 2024/25. 

Instrución 2/25

Modelos orientativos editables

Calendario de revisión e reclamación en ESO e 1º de Bacharelato

Calendario de revisión e reclamación na convocatoria ordinaria de 2º de Bacharelato

Calendario de revisión e reclamación na convocatoria extraordinaria de 2º de Bacharelato

Desexamos moita sorte ás nosas dúas alumnas, Andrea e Noara de 4ºESO. Dende o luns estarán inmersas nunha mobilidade Erasmus+ nun centro educativo de Wexford, Irlanda. Agardamos que disfuten moito da experiencia e que compartan as súas vivencias con todos nós.

Emma Regueira Loveira, alumna do IES Johan Carballeira de 1º Bacharelato, foi a gañadora do primeiro premio na terceira edición do concurso "Contos para a Escola de Minas e Enerxía" (Contos_EME 2024), na categoría de alumnado de Bacharelato e FP. Este concurso, organizado pola Escola de Minas e Enxeñería da Universidade de Vigo, ten como obxectivo resaltar o importante papel das mulleres nos campos da enxeñería, así como promover e dar a coñecer os diversos programas de grao que ofrecen. O recoñecemento de Emma mostra a súa perseveranza e creatividade, e esperamos que tamén que serva de inspiración para as súas compañeiras/os, animando a máis estudantes a participar neste tipo de iniciativas, e a explorar e seguir carreiras en enxeñería e disciplinas relacionadas.

Moitos parabéns, Emma

Diario da Universidade de Vigo

A resolución do 10 de setembro de 2024, da D. Xeral de Ordenación e Innovación Educativa (DOG do 18 de setembro) establece o calendario para a realización de eleccións de membros dos consellos escolares de centros docentes sostidos con fondos públicos. 

Os censos electorais están dispoñibles para consulta a partir do 29 de outubro no taboleiro de anuncios da entrada do instituto (O período de reclamación ao censo electoral é ata o 8 de novembro).

Os membros a renovar:

Sector alumnado: 2 

Sector profesorado: 3

Sector persoal administración e servizos: 1

Sector familias do alumnado: 1

O prazo para presentación de candidaturas é do 30 de outubro ao 11 de novembro (as persoas interesadas deben coller o impreso na Secretaría do instituto)

Celebración votacións:  día 20 de novembro

Constitución do novo Consello Escolar: día 12 de decembro

O alumnado que cursou 2º de Bacharelato no curso 2023/24 e realizou a proba especifica de acreditación da área de dominio 4 de nivel intermedio da Acreditación de Competencias Dixitais, pode acceder, descargar ou recoller a Certificación ComDix Intermedio por algunha das seguintes vías:

• Descargar o certificado desde o espazoAbalar ou desde abalarMovil sempre que se teña unha matricula viva (por exemplo, estando matriculado nun ciclo formativo superior).
• Descargar o certificado desde a Carpeta cidadá da Xunta de Galicia, accesible dende A miña sede, na Sede electronica.
• Recoller  o certificado, disponoble en XADE, na secretaría do Centro. A solicitude do certificado pódese facer na Secretariía virtual do centro, cubrindo o formulario Petición de Certificado.