Crear e configurar un curso virtual

Retroalimentación

As principais novidades que presenta a versión 2.6 son:

• Redeseño dos formularios de edición de axustes. Inicialmente amósanse comprimidos, mostrando só as opcións imprescindibles para a súa creación.

• Melloras nas tarefas. Se a resposta a unha tarefa é o envío dun arquivo PDF, como profesores poderemos realizar anotacións básicas sobre o PDF e que queden gardadas para ser vistas logo polo alumno.
• Novo menú de edición de recursos e actividades. As iconas foron sustituídas por un menú que aparece ao clicar . Isto mellora a accesibilidade dende dispositivos móbiles.

• Novo deseño do editor de texto. Inicialmente amósase unha versión reducida que pode expandirse mediante unha icona da barra .

• Incorpora insignias. Son premios ou medallas que podemos otorgar aos estudantes ao cumplir unha serie de metas ou actividades. Podemos usalas como un elemento motivador hacia o alumno.

Retroalimentación

As principais partes da pantalla cando accedemos a unha Aula Virtual en Moodle son: a A Cabeceira, Os meus cursos e os Bloques.

1. A cabeceira está formada por:
• O identificador de usuario. Indica o nome do usuario co que accedemos á aula virtual.
• O menú de cambio de idioma. Mostra o idioma no que se está a mostrar o interface de Moodle e permite cambiar a outros dispoñibles.
2. Os meus cursos. Aparece no centro da pantalla e ten a lista de todos os cursos nos que estamos matriculados actualmente e os que fixemos e que todavía están visibles na Aula Virtual.
3. Os bloques. Aparecen a un ou a ambos os dous lados dos "Meus cursos". Conteñen ferramentas que apoian e facilitan o noso movemento pola Aula Virtual.

Imos examinar agora o contido dos dous principais bloques que temos na pantalla de inicio da Aula Virtual:

1. O bloque de navegación. A través deste bloque realizamos a navegación entre os cursos e as seccións principais de Moodle. Está situado normalmente na columna esquerda. Componse de:
   

• . É un enlace á páxina inicial do Moodle.
• . Móstranos a nosa páxina persoal, na que aparecen os cursos aos que temos acceso e o estado das actividades que hai neles.
• . Mostra información sobre a aula virtual, como por exemplo, as insignias dispoñibles, o calendario asociado a cada usuario, etc.
• . Mostra a información importante do noso propio perfil. Ademais, dá acceso ás nosas mensaxes publicadas en foros, á ferramenta de Mensaxería, aos nosos arquivos privados e as insignias.
  
• . Presenta os cursos nos que estamos dados de alta, xa sexa con rol de alumno ou de profesor, permitíndonos un acceso rápido a estes.

2. O bloque de administración. Permítenos acceder á configuración do noso perfil.
   

• . Ofrece as opcións de editar o noso perfil, cambiar o contrasinal (se a configuración do Moodle o permite) e configurar as Notificacións.

 

---

Aproveita para coñecer un pouco máis a Aula Virtual na que está este curso, móvete por todas as opcións do menú de navegación e comproba que opcións che aparecen cando entras na opción de , na seguinte actividade xa imos a modificar o noso perfil.

 

---

Retroalimentación

Cada usuario en Moodle dispón de dous menús:

1. . Permítenos ver os nosos datos, as mensaxes e os arquivos privados.
   • "Ver perfil". Mostra a información visible ao resto dos usuarios.
   • "Comentarios do foro". Permite acceder de xeito rápido ás mensaxes publicadas por nós nos foros, permitindo mostrar:
     • Todas as mensaxes publicadas por nós.
     • Os debates ou temas comenzados por nós.
   • "Blogs". Permítenos ver todos os nosos artigos nos blogs do curso, engadir novos artigos ou ben conectar unha fonte RSS externa.
   • "Mensaxes". Móstranos a lista de contactos e pulsando sobre un contacto vemos o historial das mensaxes cruzadas con ese usuario.
   • "Meus ficheiros privados". Permítenos subir arquivos a un cartafol privado, podendo tamén crear un novo cartafol para ter organizado o contido, ou descargar todo o contido nun arquivo ZIP.
     
   • "Distincións persoais". Permítenos consultar e xestionar as insignias que conseguimos na Aula Virtual, podendo incluso ver as obtidas noutros sitios web.

2. Permítenos editar os nosos datos e realizar outros axustes.
   • "Editar o perfil". Permítenos modificar a información do noso perfil, datos pesoais, foto do perfil e outra información de interese.

Agustín Carracedo, Yolanda García e Pablo Camarero. Actualizar perfil. Licenza de atribución de Creative Commons (reutilización permitida)

• • "Mensaxería". Permítenos definir o xeito en que queremos ser informados ante as notificacións e mensaxes recibidas.

• • "Blogs". Permítenos definir as preferencias dos blogs que teña no curso, por exemplo número de artigos de blog por páxina, así como conectarnos a blogs externos.

• • "Distincións". Permítenos configurar a información que se mostra na páxina "Distincións persoais", así como a conexión cun fornecedor externo.

---

Modifica o teu perfil incorporando a seguinte información e configurando os seguintes criterios:

• Introducir un enderezo de correo e configura se queres que o vexan os demais.
  
• Tipo de suscrición nos foros do curso.
• Activar o aviso de cando haxa novas mensaxes nos foros.
• Configurar o idioma.
• Introducir unha foto para o perfil.
• Activar a notificación das mensaxes recibidas por xanela emerxente cando estou conectado e por correo cando estou desconcectado.

---

Retroalimentación

Imos agora a entrar na aula virtual de prácticas co usuario que temos e crear o noso curso virtual.

Agustín Carracedo, Yolanda García e Pablo Camarero. Crear un curso. Licenza de atribución de Creative Commons (reutilización permitida)

Una vez entrado e escollido a opción de "Engadir novo curso", aparécenos o seguinte formulario que iremos recheando cos valores que nos interesen.

Unha vez creado o noso curso virtual aparece xa cun formato e bloques por defecto, entre eles o de "Navegación" e "Administración". As principais partes de pantalla nun curso de Moodle son: a Cabeceira, o Diagrama de temas e os Bloques.

1. A cabeceira está formada por:
• A barra de navegación. Indica en todo momento a ruta da páxina actual.
• O identificador de usuario. Indica o nome do usuario co que accedemos á aula virtual.
• O menú de cambio de idioma. Mostra o idioma no que se está a mostrar o interface de Moodle e permite cambiar a outros dispoñibles.
• O botón de . Permítenos, como profesores, activar o "Modo edición" para engadir ou modificar o contido do curso.
2. O diagrama de temas. Aparece no centro da pantalla e xeralmente está dividido en "Seccións" ou "Temas", que están destinados a albergar os "Contidos do curso", "Recursos" e "Actividades". Dentro dun Tema, cada Recurso ou Actividade consta dunha icona identificativa do tipo de elemento e un nome que serve de enlace a este. Á hora de estructurar o noso curso sempre deberemos ter un Tema 0 o módulo común e despois os temas de contidos que necesitemos. En podemos indicar que haxa unha páxina por cada tema.
   
3. Os bloques. Aparecen a un ou a ambos os dous lados do "diagrama de temas". Conteñen ferramentas que apoian e facilitan o desenvolvemento do curso, así como ferramentas de xestión e configuración. Os bloques poden moverse e eliminalos para adaptalos ás necesidades do noso curso. Ademais, hai numerosos bloques dispoñibles que podemos agregar doadamente ao activar o "Modo Edición".

Imos examinar agora o contido de dous dos principais bloques que temos, que varían un pouco en contido con respecto aos da Aula Virtual, non esquenzamos que agora xa estamos dentro dun curso:

1. O bloque de navegación. Como xa comentamos, a través deste bloque realizamos a navegación entre os cursos e as seccións principais de Moodle. Está situado normalmente na columna esquerda. Aínda que como veremos despois nas actividades pode cambiarse de posición. Componse de:
   

• . É un enlace á páxina inicial do Moodle.
• . Móstranos a nosa páxina persoal, na que aparecen os cursos aos que temos acceso e o estado das actividades que hai neles.
• . Mostra información sobre a aula virtual, como por exemplo, as insignias dispoñibles, o calendario asociado a cada usuario, etc.
• . Mostra a información importante do noso propio perfil. Ademais, dá acceso ás nosas mensaxes publicadas en foros, á ferramenta de Mensaxería, aos nosos arquivos privados e as insignias.
  
• . Mostra e dá acceso ás partes do curso no que estamos, ademais de á lista de participantes e as insignias asociadas ao curso.
• . Presenta os cursos nos que estamos dados de alta, xa sexa con rol de alumno ou de profesor, permitíndonos un acceso rápido a estes.

2. O bloque de administración. Só dispoñible para o profesor ou administrador do curso, está situado normalmente na columna esquerda e é fundamental á hora de xestionar os "Recursos e Actividades" dun curso, xa que ao acceder a algún deles recolle todas as opcións para configuralo e administralo. Presenta as seguintes opcións:
   

• . Dá acceso a configurar as características do curso e ás ferramentas principais de xestión.
• . Permítenos ver o curso cun rol distinto, por exemplo, como o vería un estudante.
• . Ofrece as opcións de editar o noso perfil, cambiar o contrasinal (se a configuración do Moodle o permite) e configurar as Notificacións.

 

Pero en Moodle temos máis bloques que poderemos configurar para que estean visibles ou non no noso curso e poñer na posición que queramos:

---

Crea na aula virtual de prácticas un novo curso que terá a seguinte configuración:

• O nome do curso corresponderase coa temática da SD que vas desenvolver.
• O curso non estará visible ata que remates de introducir todos os contidos.
• Establece a data de inicio do curso.
• Engade unha breve descrición do contido do curso.
• Establece o formato do curso por semana, por temas...
  
• Establece un límite para o envío de arquivos de 5 MB.

---

Retroalimentación

Na esquina superior dereita da pantalla, podemos atopar o botón . Pulsando sobre o devandito botón, o profesor pasará a dispoñer dun conxunto de novas opcións. Tamén é posible pasar ao modo edición pulsando o enlace do bloque "Administración".

Unha vez activada a edición móstrase xunto a cada recurso da materia a opción de cambiar o seu nome , e un despregable  co resto de opcións de edición. A carón de cada unha das seccións, actividades ou recursos, temos también a icona para mover a sección, actividade ou recurso a outro lugar dentro do curso. Realizados os cambios no curso podemos saír do modo edición pulsando o botón ou o enlace situado no mesmo lugar que aparecía "Activar edición" no bloque de "Administración".

O "modo edición" caracterízase por mostrar un conxunto de iconas no curso que nos permitirán (como profesores) interactuar cos contidos existentes. As iconas repítense en moitos dos elementos dos que un curso está composto e fan o seu manexo doado e intuitivo. A seguinte imaxe describe as iconas segundo o seu lugar de aparición:

Xunto ás iconas xa mencionadas, o modo edición mostra ao pé de cada unha das seccións ou temas do curso o enlace , que facilita ferramentas para a incorporación de actividades e contidos. Nas tarefas seguintes desta SD veremos os principais recursos e actividades.

Ao crear un curso aparecen uns Bloques por defecto. Algúns son fixos, como "Administración" ou "Navegación", e o resto poden ser engadidos ou borrados polo profesor. Co modo edición activado, na esquina inferior esquerda, tras o último Bloque visible, aparece o despregable "Engadir ... " que nos permite engadir novos Bloques ao curso.

Co modo edición activado é posible mover un bloque, modificar, borrar, ocultar e asignar permisos locais nun Bloque:

Si queremos cambiar a ubicación do bloque dentro da pantalla, por exemplo poñerlo a dereita dos temas en vez da esquerda, pero deixalo fixo a nivel de configuración do bloque, teremos que escoller dentro das opcións de configuración, a opción .

Unha vez movidos os bloques según o noso gusto (neste caso con todos os bloques a esquerda dos temas), eliminados os bloques que non queremos que estean visibles e engadidos os que nos interesan o noso curso quedará coa seguinte apariencia:

---

Define a seguinte estructura para o teu curso:

• Todos os bloques aparecerán a esquerda dos temas. Recoméndase deste xeito para deixar máis espazo dispoñible para desplegar os contidos, por exemplo os paquetes IMS.
  
• Serán visibles cando menos os bloques de: Navegación, Administración, Calendario, Próximos Eventos e Actividade Recente.
• Determina a orde de colocación dos bloques na pantalla, por exempo:
  
  1. Navegación
  2. Calendario
  3. Próximos Eventos
     
  4. Actividade Recente
     
  5. Administración

---

Retroalimentación

A xestión de ficheiros farémola dende cada recurso ou actividade e engadimos os arquivos a estas actividades ou recursos utilizando o "Selector de ficheiros", ou tamén podemos engadilos directamente dende a opción dentro de . O "Selector de ficheiros" permítenos ver todos os tipos de repositorios dende os que podemos engadir un arquivo dende a mesma xanela.

O "Selector de ficheiros" mostraranos:

• . Mostrará os últimos 50 ficheiros subidos polo usuario á Aula Virtual. Deste xeito temos os arquivos fácilmente localizables e podemos reutilizalos.
  
• . Permítenos subir un arquivo dende o noso ordenador á Aula Virtual.

En canto ao tipo de licenza co que queremos subir o arquivo, en caso de ser noso o arquivo, e non ter xa unha licenza definida, lembrar que por defecto, todos os recursos teñen copyright se non se indica o contrario, polo que é recomendable indicar unha licenza que permita a outros usuarios aproveitarse do noso recurso. Lembramos os tipos de licenzas que existen e pensemos que a licenza coa que publicaremos o noso recurso condiciona que recursos alleos podemos incorporar. No seguinte cadro, que xa coñeces, podes ver as compatibilidades das licenzas entre si:

Os arquivos subidos deste modo, pasarán a formar parte dos "Arquivos Recentes" se o subimos no contexto dun curso (dentro dunha actividade ou recurso), se o subimos dende a nosa "Área Persoal", pasarán a formar parte dos "Arquivos privados". Todo isto o xestiona directamente Moodle, nós non temos que preocupar de organizalo.

• . Permítenos introducir a URL dunha imaxe (jpg ou png) que queiramos baixar de internet.

• . Neste repositorio teremos os arquivos subidos dende a opción de .

• . Permítenos buscar en wikimedia e seleccionar unha imaxe. Podemos buscar o arquivo por texto, e anchura e altura da imaxe.

Ao acceder aos axustes dun "Recurso ou Actividade" que posúe un ou máis ficheiros, no apartado "Contido", poderán xestionarse os devanditos ficheiros pulsando sobre icona correspondente. Se se agrega un novo ficheiro co mesmo nome dun existente, poderase sobreescribir ou crear un novo con outro nome. Ademáis podemos escoller cal será o arquivo principal, de xeito que cando alguén o seleccione no curso será ese ficheiro o que abra e non o resto dos ficheiros da lista.

 As operacións que podemos facer sobre un ficheiro son:

• Cambiar o nome.
• Cambiar o autor.
• Cambiar a licenza de uso.
• Movelo a outro cartafol.
• Descargar o ficheiro.
• Borrar o ficheiro .
  

No caso dun directorio podemos acceder ás suas propiedades e operacións pulsando na icona da súa esquina inferior dereita.

---

Para traballar un pouco con arquivos e cartafois fai a seguinte actividade:

• Sube ao curso dentro da Zona de prácticas do curso un arquivo tipo pdf que sexa da túa creación (non importa o contido) e ponlle como licenza CC-BY-SA.
• Sube dentro dos arquivos privados teus o arquivo jpg ou png que contén a foto que puxeches no teu perfil. Ponlle a licenza que estimes oportuna.
  
• Crea dentro dos arquivos privados un cartafol que se chamará imaxes e mete dentro deste cartafol unha imaxe de uso libre que previamente baixaches de internet.
• Sube ao cartafol imaxes unha foto subida dende internet coa opción .

---

Retroalimentación

Un curso en Moodle, estrutúrase en semanas ou temas, tantos como precisemos. Son moitas as estruturacións posibles dos temas dun curso.

O aspecto máis problemático adoita ser o das tarefas, se se inclúen nos propios contidos ou se se formulan como "obxectos" independentes no curso virtual.

Para un curso virtual destinado ao ensino a distancia no que cada estudante participa dende o seu ordenador semella que o xeito de inserir as tarefas no propio curso virtual é máis práctico, mentres que no ensino presencial (especialmente cando se imparte clase nunha aula onde non hai un ordenador por alumna/o) pode resultar máis complicado e problemático plantexar tarefas que necesariamente deban desenvolverse diretamente na aula virtual.

---

1. 1. Examinemos de novo a estrutura do curso que estás a facer agora, e determina se segue a estrutura plantexada nesta actividade.
      

 

---

Retroalimentación

Podemos organizar os alumnos en grupos dentro do noso curso ou en determinadas Actividades. As actividades que teñen os grupos habilitados permítenos filtrar as contribucións dos alumnos por grupo, podendo consultar a participación ou entregas de cada grupo por separado.

Existen tres modos de grupo dispoñibles:

• Non hai grupos. Ningún participante pertence a grupo ningún. Os grupos non se usan.
• Grupos separados. Cada grupo só poderá ver o seu propio traballo. Os membros dun grupo non poderán ver o traballo do resto de grupos.
• Grupos visibles. Cada grupo realiza o seu propio traballo, aínda que lle é permitido observar o traballo do resto de grupos.

Para utilizar os modos de grupo, deberemos primeiro habilitar o seu uso na configuración xeral do curso.

O "modo grupo" podemos definilo a dous niveis:

• A nivel de curso. O modo de grupo definido a nivel de curso estáblecese por defecto para todas as actividades que creemos dentro do noso curso.
• A nivel de actividade. Podemos definir para cada actividade o seu propio modo de grupo se o ten activo.

Coa opción de "Forzar o modo de grupo" o modo de grupo do curso aplícase a todas as actividades do curso, ignorando a configuración que haxa a nivel de actividade.

Unha vez habilitado o modo de grupo no noso curso, o seguinte paso será crear os grupos. Para elo teremos que ir a > > .

Escollemos a opción de "Crear grupo".

Una vez creado, xa podemos engadir membros ao grupo. Para asignar estudantes escollemos o grupo e pulsamos o botón "Engadir/retirar usuarios".

Tamén podemos crear grupos de xeito automático.

Os Agrupamentos permítenos mostrar Recursos ou Actividades a un conxunto concreto de estudantes. Os agrupamentos están relacionados cos Grupos, xa que antes de crear un agrupamento, temos que crear polo menos un grupo. Un agrupamento pode estar composto por un ou varios grupos.

Para crear un agrupamento debemos ir a > > > e escollemos a pestana "Agrupamentos".

Unha vez creados os Agrupamentos poderemos facer uso deles en calquera Actividade ou recurso que queiramos crear. Iso verémolo en detalle na seguinte tarefa.

 

---

No curso virtual que estás a crear fai o seguinte:

• Crea tres grupos que terán a denominación Grupo-A, Grupo-B e Grupo-C. Podes chamalos según o nivel educativo ao que vaia dirixido o teu curso, por exemplo 1ESO-A, 1ESO-B e 1ESO-C.
  
• Se tes privilexios de administrador na túa Aula Virtual, crea tres novos usuarios. Ponlles o nome que ti prefiras.
• Engade un usuario a cada un dos grupos.
• Crea un agrupamento que conteña aos grupos A e C.
• Garda toda esta configuración porque vas ter que utilizala na tarefa seguinte.

---

Retroalimentación

O maís normal dentro dos nosos centros, pola súa función, é que teñamos activa nas aula virtual a auto-matrícula para que sexan os estudantes do noso curso os que se matriculen nel mediante a opción que lles aparecerá ao pinchar no noso curso de "Inscríbirme neste curso". Temos que ter claro que non se poderán matricular aqueles alumnos que non estean rexistrados na Aula Virtual, col cal xa evitamos que persoas alleas ao centro podan facelo.

Para poder ver os métodos de matriculación que temos activos e configuralos teremos que ir a > .

De ter activa a opción de "Auto Matricula" entre os métodos de matriculación, cousa que ocurrirá con toda seguridade nas aulas virtuais dos nosos centros, poderemos activar unha "chave de inscrición" no noso curso para evitar que se auto-matriculen nel alumnos do centro que non pertenzan á nosa clase, para o que teremos que editar a súa configuración coa opción na pantalla de , ou ben podemos tamén configuralos indo polo menú > > "AutoMatriculación".

Tamén podemos definir unha "chave de inscrición" para os grupos que teñamos definidos no noso curso. Como recordaremos iso podémolo facer indo a > > e editando nesa pantalla a configuración do grupo para o cal queiramos establecer unha "chave de inscrición".

Ao mesmo tempo teremos que editar a configuración do curso para fixar a modalidade dos grupos e forzar os grupos separados, isto farémolo en >  . Deste xeito cada alumno inscríbese coa chave do seu grupo quedando asignado automáticamente a ese grupo.

Pode interesarnos tamén ter activa a "Matrícula Manual" porque permítenos engadir manualmente un alumno ao curso, por exemplo, se ten problemas para conectarse dende a casa, ou por outros motivos que se podan dar, ou tamén eliminar un estudante que se inscribira erróneamente no nos curso.

Se queremos, por exemplo, modificar a configuración da opción de matrícula manual, teremos que editar a súa configuración coa opción na pantalla de , ou ben podemos tamén configuralos indo polo menú > > :

Para matricular novos usuarios no noso curso, podemos facelo coa opción na pantalla de :

Pero temos outro lugar dende o que podemos matricular usuarios novos no noso curso, pero ademais de engadir novos usuarios podemos cambiarlles o rol, eliminalos ou ben modificar as súas condicións de matriculación, iso  farémolo dende > > :

Se queremos matricular un novo usuario no noso curso clicamos o botón e na seguinte pantalla aparécenos a lista de usuarios da Aula Virtual e escollemos o usuario a engadir:

Podemos modificar as condición de matrícula dun usuario no noso curso se editamos o usuario co botón :

---

Sobre o curso que creaches fai o seguinte:

• Forza no teu curso os grupos separados e establace unha chave de matriculación por grupo (a que ti queiras) e proba a que se automatricule un alumno comprobando que queda asignado a ese grupo.
• Desfai o anterior e comproba as opcións de configuración da auto matrícula de xeito que :
  • Teña fixada unha como chave de inscrición ao curso (a que ti queiras) e proba a que se automatricule un alumno.
• Comproba as opcións de configuración da matrícula manual de xeito que :
  • Asigne a todos os inscritos o rol de estudante.
  • Establece unha duración da matrícula a 2 meses.
    
  • Activas as notificacións de expiración aos inscritos durante 2 días.
• Comproba os alumnos que tes matriculados no curso:
  • Se non tes matriculado ningún alumno, matricula aos 3 alumnos que creaches na actividade anterior.
  • Se tes matriculado algún alumno comproba o seu rol no curso e ponlle a todos os inscritos o rol de estudante.
• Modifica as opcións de matriculación para un dos alumnos finalizando a súa inscrición no curso 1 día despois da data actual.
• Elimina do teu curso un dos tres alumnos que debes ter matriculados.

---

Retroalimentación

Cando recibimos unha mensaxe, Moodle móstranos un aviso a pé de páxina, este aviso permítenos ir directamente ao apartado de Mensaxes ou acceder máis tarde dende > .

Dende o apartado de podemos:

• Xestionar a lista de contactos.
• Revisar o historial de mensaxes cruzadas cun usuario.
• Ver as mensaxes sen ler.
• Realizar unha busca de usuarios ou mensaxes enviados/recibidos.

Ao pulsar sobre o nome e apelidos do usuario, pódense ver as mensaxes non lidas, as mensaxes recentes ou o historial completo de mensaxes co devandito usuario.

Para enviar unha Mensaxe a un participante no curso, podemos acceder á sección de , seleccionar os usuarios aos que se desexa enviar a mensaxe, os alumnos non poden mandar mensaxes a varios usuarios á vez, deben facelo dun nun.

Primeiro seleccionamos a quen queremos enviar a mensaxe:

Segundo escribimos a mensaxe:

E para rematar previsaulizamos a mensaxe para ver que está todo ben, se vemos algún erro corrixímolo e se nón enviamos a mensaxe:

Pódese configurar a forma en que se desexan recibir as mensaxes dende > como xa vimos na actividade 2 desta tarefa.

 

Agustín Carracedo, Yolanda García e Pablo Camarero. Mensaxería Moodle. Licenza de atribución de Creative Commons (reutilización permitida)

---

Para practicar, configura a recepción das notificacións da seguinte forma:

• Activa a notificación de mensaxe recibida por xanela emerxente tanto se estou conectado como senón e tamén por correo cando estou desconectado.
• Pon como correo adicional para recibir as mensaxes outro correo teu que teñas en gmail, yahoo, hotmail...
• Configura que o ordenador emita un pitido cando che chegue unha nova mensaxe.
• Envía unha mensaxe a un compañeiro teu do curso e pídelle que por favor che responda.

---

Retroalimentación

A secuencia didáctica sobre a propiedade intelectual e os tipos de licenzas que existen para uso libre dos recursos xa a vimos, así que xa debemos ter claro o que implica:

• Non indicar ningún tipo de licenza.
• Ou licenciar os nosos recursos cunha licenza Creative Commons.

Xeralmente moitas persoas son contrarias a compartir os seu material e os seus recursos, sen embargo, todo nos beneficiamos de todo o material e contido que está publicado na rede con licenza Creative Commons.

Non dubidemos en compartir os nosos recursos, outras profesoras e profesores poderán empregalos e melloralos. Sabemos que a licenza BY esixe que se cite a autoría orixinal e a licenza SA esixe que se se fan obras derivadas estas sexan publicadas con esa mesma licencia, co cal o traballo do autor orixinal irá enriquecéndose coas aportacións de toda a cadea pola que pase e deberán aparecen todas as persoas que colaboraron nesa creación.

Aínda que poda parecer complicado elixir entre todas as licenzas a máis axeitada para as túas obras, a propia páxina de Creative Commons axúdanos nesta tarefa a través da seguinte ligazón http://creativecommons.org/choose/?lang=gl

Despois de copiar o texto da licenza que queramos darlle ao noso curso e inserila no último tema como unha etiqueta o resultado é:

Agustín Carracedo, Yolanda García e Pablo Camarero. Crear a licenza dun curso virtual. Licenza de atribución de Creative Commons (reutilización permitida)

---

Asigna unha licenza ao teu curso:

1. Na web de CC http://creativecommons.org/choose/?lang=gl  xera a licenza. 
2. Copia o código HTML.
3. No teu curso virtual, pégao nunha etiqueta do último tema do curso empregando a icona .

---

Retroalimentación

• Para facer unha "copia de seguridade" (ou backcup) do noso curso teremos que ir a > .

Unha vez rematada a copia de seguridade podemos ver o arquivo xerado:

• Cando queramos "Restaurar" unha copia de seguridade, ben na mesma Aula Virtual no que temos o curso, ou ben nunha aula nova teremos que ir  a > .

• Cando queramos "Importar" contidos dun curso para metelos noutro curso distinto, tanto na mesma Aula Virtual como nunha distinta teremos que ir  a > .

---

Aínda que o teu curso aínda non ten moitos datos:

• Fai unha copia de seguridade de todos os contidos do teu curso.
• Restaura un curso empregando a maqueta para crear un curso de Moodle. Debes facelo nunha categoría de aula virtual na que teñas perfil de Profesor:

1. Descarga este arquivo-maqueta: copia_de_seguranza-moodle2-course-52-maquetacv-15122014-1353-nu.mbz
   
2. Nunha categoría na que teñas perfil de "Profesor", crea un curso novo.
3. Entra no curso creado no paso anterior.
4. No bloque > .
5. Na xanela que se abre, arrastra o arquivo descargado no paso 1 á área de subida de arquivos.

6. Unha vez cargado, premer en "Restaurar".
7. Premer en "Continuar".
8. Nesta xanela:

9. Preme en "Seguinte".
10. Ponlle nome e abreviatura ao curso que se vai restaurar.
11. Preme en "Seguinte".
12. Preme en "Executar a restauración".
13. Preme en "Continuar".

E xa temos restaurado o noso curso: Unha maqueta para crear cursos virtuais, a que empregamos para crear este curso de MetaSecuencias.

---

Retroalimentación

Todo o que non nos serve, poderiamos borralo manualmente, elemento a elemento, pero levaríanos un tempo e correriamos o risco de que nos quedase algo sen borrar.

Para elo o Moodle, incorpora unha ferramenta que nos falicita este traballo de "reiniciar" o curso, podendo eliminar os estudantes, os seus datos e as súas accións, como mensaxes nos foros ou as tarefas enviadas, sen eliminar o traballo do profesor, e deixando o curso listo para o inicio do ano escolar seguinte.

Para "Reiniciar" un curso teremos qur ir a  > .

 

---

Aínda que o teu curso aínda non ten alumnos, proba a "Reiniciar" o teu curso:

• Eliminando todos os alumnos.
• Eliminando todos os membros dos grupos.
• Eliminando todos os comentarios.

---

Retroalimentación